इनरुवा । राष्ट्रिय जनमोर्चा १ नं. प्रदेशको प्रथम सम्मेलन सम्पन्न भएको छ । २०७८ फागुन ७ गते सुनसरीको इटहरीमा सम्मेलन सम्पन्न भएको हो ।
सम्मेलनको उद्घाटन राजमो केन्द्रीय सदस्य अमृत पाण्डेले गर्नुभएको थियो ।
सो अवसरमा सम्बोधन गर्दै उहाँले नेपालको राष्ट्रिय राजनीतिमा राष्ट्रिय जनमोर्चाको गौरवशाली स्थान रहेको बताउनुभयो । उहाँले राजमोको सही नीतिको आधारमा जनतालाई सङ्गठित गर्न लाग्नुपर्ने बताउनुभयो ।
कार्यक्रममा अन्य अतिथिहरू अखिल नेपाल युवक सङ्घका पूर्व केन्द्रीय सदस्य कमल कार्की, अखिल नेपाल जनजाति सम्मेलनका केन्द्रीय सदस्य लिलकुमार राई, अखिल नेपाल महिला सङ्घकी प्रदेश सदस्य कल्पना आचार्य र अखिल (छैठौं) का केन्द्रीय उपाध्यक्ष नवीन पाण्डेले पनि मन्तव्य राख्नुभएको थियो ।
सम्मेलनको सञ्चालन विशाल पहाडीले, अध्यक्षता अमृत पाण्डेले र स्वागत मन्तव्य जीवन बरालले राख्नुभएको थियो ।
सम्मेलनले अमृत पाण्डे (सुनसरी) को अध्यक्षतामा १४ सदस्यीय राजमोको १ नं. प्रदेश समिति चयन गरेको छ । समितिको उपाध्यक्षमा हेमकुमार गुरुङ (सङ्खुवासभा), सचिवमा विवश राई (मोरङ), सहसचिवमा कञ्चन बस्नेत (मोरङ) र कोषाध्यक्षमा कमल कार्की (पाँचथर) रहनुभएको छ ।
त्यस्तै, सदस्यमा तुलमान राई (धनकुटा), शेरबहादुर खत्री (ओखलढुङ्गा), हरिलाल अधिकारी (सुनसरी) र कल्पना आचार्य राई (मोरङ) रहनुभएको छ ।
एवम् प्रकारले वैकल्पिक सदस्यमा किशोर राई (सुनसरी) र मोहन श्रेष्ठ (उदयपुर) तथा सल्लाहकारमा टङ्कप्रसाद गौतम (मोरङ) र विमल पौडयाल (मोरङ) रहनुभएको छ ।
