काठमाडौँ । प्रतिनिधि सभाको आजको बैठकको कार्यसूची तय गर्न, खासगरी एम.सी.सी. टेबुल गर्ने वा नगर्ने भन्ने विषयमा निर्णय गर्न कार्यव्यवस्था समितिको बैठक बसिरहेको छ ।
सभामुख अग्निप्रसाद सापकोटाका अध्यक्षतामा २०७८ फागुन ४ गते नयाँ बानेश्वरस्थिति संसद् भवनमा कार्यव्यवस्था परामर्श समितिको बैठक चलिरहेको हो ।
बैठकमा नेपाली काङ्ग्रेसतर्फबाट गृहमन्त्री बालकृष्ण खाँण, कानुन, न्याय तथा संसदीय मामिलामन्त्री दिलेन्द्रप्रसाद बडु, सचेतक पुष्पा भुसाल सहभागी हुनुहुन्छ । त्यस्तै, बैठकमा नेकपा (माओवादी केन्द्र) का तर्फबाट प्रमुख सचेतक देवप्रसाद गुरुङ, सचेतक रेखा शर्मा, नेकपा (एकीकृत समाजवादी) का प्रमुख सचेतक जीवनराम श्रेष्ठ, लोकतान्त्रिक समाजवादी पार्टीका उमाशङ्कर अरगरिया हुनुहुन्छ ।
प्रमुख प्रतिपक्ष नेकपा (एमाले) भने समितिको बैठकमा अनुपस्थित रहेको छ ।
आजको बैठकमा अमेरिकी सहयोग परियोजना मिलेनियम च्यालेन्ज कर्पोरेसन (एम.सी.सी.) सम्झौता टेबुल गर्ने कार्यसूची राख्ने वा के गर्ने भन्ने विषयमा सत्ता गठबन्धन दलभित्र सहमित जुटाउने प्रयास भइरहेको बुझिएको छ ।
