बसन्त खड्का, अर्घाखाँची ।
राष्ट्रिय जनमोर्चाले भूमिकास्थान नगरपालिका–१ मा अगुवा कार्यकर्ता भेला सम्पन्न गरेको छ । मंगलबार राजिमे, कुसुनमारे, पोखराखर्कमा भेला सम्पन्न भएको हो ।
कार्यक्रममा राजमोका केन्द्रीय सदस्य सागर केसीले समसामयिक राजनीतिबारे चर्चा गर्दै देशको राजनीतिमा राजमोले राजमोले खेलेको भूमिका, नीति, सिद्वान्त तथा पार्टीको आगामी कार्य योजना बारेमा प्रस्ट पार्नुभएको थियो ।
लुम्बिनी प्रदेश सदस्य तथा अर्घाखाँची जिल्ला अध्यक्ष थम्मन केसीले जिल्लाको समसामयिक राजनीतिक अवस्थाका बारेमा बोल्नुभएको थियो । उहाँले राजमोले जनताको हकहितको पक्षमा काम गर्ने र सधैँ जनतामै रहने प्रतिबद्धता जाहेर गर्नु भएको थियो ।
प्रदेश सदस्य तथा जिल्ला सचिव बाबुराम पन्थी सुनारले अहिले विभिन्न राजनीतिक दलहरुले पार्टीविरुद्ध फैलाइरहेका भ्रममा नपर्न आग्रह गर्नुभयो भने जिल्ला सदस्य कबिराम खनालले राजमोको नीति, सिद्वान्त, राष्ट्रियता र स्वाधीनताको पक्षमा लिएको कदममा कसैले औँला उठाउने ठाउँ नरहेको बताउनु भयो ।
कार्यक्रममा राजमो नेता मेगराज खनाल, अखिल (छैठौं) का केन्द्रीय सदस्य तथा जिल्ला अध्यक्ष जीवन नेपाली, अखिल नेपाल युवक संघका केन्द्रीय सदस्य कृष्ण खनाल, अखिल नेपाल महिला संघकी जिल्ला सदस्य खुमा बेल्बासेको पनि उपस्थिति रहेको थियो ।
