कपिलवस्तु । जातीय समता समाजको शिवराज नगरपालिका–३ मा भेला सम्पन्न भएको छ । आइतबार मधवामा सम्पन्न भेलाले मोहनसिंह विकको अध्यक्षतामा नगर समिति गठन गरेको छ ।
समितिको उपाध्यक्षमा रामप्रसाद कामी, सचिव रामबहादुर चमार, सहसचिव ओमप्रकाश कामी र कोषाध्यक्षमा कमला सुनार चयन हुनुभएको छ । सदस्यहरूमा विमल विक, झकबहादुर विक, जुठबहादुर विक, धनबहादुर विक, विक्रम विक र गणेश सुनार रहनु भएको छ ।
त्यस्तै, वैकल्पिक सदस्यमा बेली विक, रमेश विक, पुनमकुमारी विक, रामलाल विक तथा सल्लाहकारमा दिलबहादुर विक, मदन विक, प्रेम दर्जी, प्रकाश विक हुनुहुन्छ ।
भेलामा समता समाजका केन्द्रीय सल्लाहकार दिलबहादुर विक, जिल्ला अध्यक्ष बाला राम सुनार, राष्ट्रिय जनमोर्चा जिल्ला सल्लाहकार तथा अखिल नेपाल ट्रेड युनियन महासंघ (अन्टुक)का केन्द्रीय सदस्य केरसिंह अदैले जातीय समता समाजको उद्देश्य, देशको राजनीतिक अवस्था, स्थानीय निर्वाचन लगायतका विषयमामा प्रकाश पार्नु भएको थियो ।
झकबहादुर विकको सञ्चालनबाट अघि बढेको भेलाको अध्यक्षता रामप्रसाद कामीले गर्नुभएको थियो । भेला पछिको बैठकले वडास्तरमा संगठन विस्तार गर्ने, सदस्यता वितरण गर्ने लगायत संगठन विस्तार गर्ने निर्णय गरेको छ ।
