काठमाडौं । माघ मसान्तसम्म विद्यालयमा भौतिकरुपमा हुने पठनपाठन नहुने भएको छ ।
कोभिड संकट व्यवस्थापन केन्द्र (सीसीएमसी) ले आगामी माघ मसान्तसम्म विद्यालय बन्दलाई निरन्तरता दिन सरकारलाई सिफारिस गरेको छ ।
शुक्रबार बसेको सीसीएमसी व्यवस्थापन केन्द्रको बैठकले माघ मसान्तसम्म विद्यालयमा भौतिकरुपमा हुने पठनपाठनमा लगाइएको रोक कायमै राख्न सिफारिस गरेको हो ।
यसअघि सरकारले माघ १५ गतेसम्मलाई बन्द गर्ने निर्णय लिएको थियो । केन्द्रले त्यसलाई थप १५ दिन लम्ब्याउन सिफारिस गरेको हो।
यस्तै, विश्वविद्यालयका परीक्षा स्वास्थ्य मापदण्ड पालना गर्दै सञ्चालन गर्न अनुमति दिन पनि बैठकले सिफारिस गरेको छ ।
बैठकले सार्वजनिक उपत्यकामा लागु गरिएको सवारीसाधनमा जोरबिजोर प्रणाली हटाउन सिफारिस गरेको छ । तर, निजी र ट्याक्सीजस्ता सवारीसाधनमा मात्रै जोरबिजोर कायमै राखिने भएको छ ।
बैठकले भिडभाड हुने सिनेमा हल, पार्टी प्यालेससहितका क्षेत्रलाई भने माघ मसान्तसम्म बन्द नै राख्न पनि सिफारिस गरेको छ ।
