खिमराज चालिसे

गुटबन्दी गर्ने समिति फोर्ने लाल गद्धारहरू।
लुकेर, ढुकेर, बिगार्ने तिमी लाल गद्धारहरू।।
छद्म र खुल्ला प्रहार गर्ने लाल गद्धारहरू।
क्रान्तीकारी पर्दा भित्र लुकेका लाल गद्धारहरू।।

सम्पत्ति कब्जा गर्ने बहुमतको निर्णय नमान्ने।
मनोमानि आफ्नै गर्ने कमजोरी स्वीकार नगर्ने।।
ढोका खोली दिँदा बाहिरबाट चुककुल आफैँ ठोक्ने।
ढोका बन्द गर्दा त रुँदै कराउँदै टाउकै ठोक्ने।।

विधी, सिद्धान्त विधान नमान्ने ती अराजक हुन्।
बुझेर पनि बुझ पचाउने गद्धारहरू हुन्।।
पार्टी, क्रान्ति, परिवर्तनका सिपाही सधैँ भन्छन्।
राम्रो नराम्रो सम्बन्धित समितिभित्र पो भन्छन्।।

कुरा क्रान्तिकारी गर्दै पार्टीलाई भताभुङ्ग पार्न।
प्रतिगामीले झैँ सार्वजनिक नै आक्रमण गर्न।।
लाल गद्धार छ तल्लीन पार्टी संरचना तोड्न।
भ्रम छरेर पार्टी क्याडरको मनोबल तोड्न।।

क्रान्तिकारी जो उत्साहित छन् पर्दा उनको च्यात्न।
संगठन झन् सुदृढ पार्दै छद्म रुप च्यात्न।।
पूर्व–पश्चिम एक हुँदै छ उर्जा सबैतिर छर्न।
ए लालगद्धार सुध्र, पाउन्नौ भ्रमको खेती गर्न।।
हाल चंडिगढ (भारत)