शंकर प्रसाद पोख्रेल, प्युठान ।
प्युठानको झिमरुक गाउँपालिका–१ मा राष्ट्रिय जनमोर्चा सम्बद्ध विभिन्न जनवर्गीय संगठहरुको संयुक्त भेला सम्पन्न भएको छ ।
कार्यक्रममा राजमोका केन्द्रीय प्रतिनिधि बासुदेव पोख्रेलले राजनीतिक तथा सैद्धान्तिक प्रशिक्षण दिनुभएको थियो । त्यसक्रममा उहाँले एमाले अध्यक्ष केपी ओलिले देशलाई हिन्दु राज्य बनाउन र राजतन्त्र ब्युँताउन खोजेको आरोप लगाउनु भयो ।
कार्यक्रममा राजमो लुम्बिनी सदस्य तथा झिमरुक गाउँपालिकाका अध्यक्ष तिकल जिसीको विशेष उपस्तिथि रहेको थियो ।
सयुक्त कार्यक्रममा जातीय समता समाजका जिल्ला सदस्य मीनबहादुर बिक, महिला नेत्री तथा झिमरुक कार्यपालिका सदस्य विष्णु विक, अखिल नेपाल युवक संघका वडा अध्यक्ष प्रकाश राना, अखिल नेपाल जनजाती सम्मेलनका झिमरुक अध्यक्ष प्रतिमान पुन, झिमरुक–१ का अध्यक्ष अमरबहादुर पुनको पनि आथित्यता रहेको थियो।
यता झिमरुक–१ पोखराछेंडामा राष्ट्रिय जनमोर्चाको टोल समिति गठन भएको छ। समितिको अध्यक्षमा मीनबहादुर बिक, उपाध्यक्ष कमला जिसी, सचिव जंगबहादुर बिक, सहसचिव किर्तिका बिक र कोषाध्यक्षमा मन्जु सुनार सहितको १३ सदस्य समिती गठन गरिएको हो । कार्यक्रममा चोपबहादुर बिकको उपस्तिथि रहेको थियो ।
कार्यक्रम दिपक जिसीको अध्यक्षता, चोपबहादुर बिकको सञ्चालन र बिजय बिक्रम जिसीले स्वागत मन्तव्य दिनुभएको थियो ।
