प्यूठान । प्युठानको झिमरुकमा विभिन्न पार्टी परित्याग गरी राष्ट्रिय जनमोर्चामा प्रवेश गर्ने क्रम जारी छ ।
यसै सन्दर्भमा झिमरूक गाउँपालिका वार्ड नं ७ मा नेपाली कांग्रेस र एमालेका केही सक्रिय कार्यकर्ता ती पार्टी परित्याग गरी राजमोमा प्रवेश गरेका छन् ।
नवप्रवेशीहरुलाई स्वागतसँगै झिमरुक–७ मा राजमोको वडास्तरीय प्रक्षिण कार्यक्रम सम्पन्न भएको छ । कार्यक्रममा राजमोका पूर्वकेन्द्रीय सदस्य वासुदेव पोख्रेलले देशको तात्कालिन अवस्था र पार्टीको भूमिकाबारे स्पष्ट पार्नुभएको थियो ।
कार्यक्रममा राजमो केन्द्रीय सदस्य नारायण जिसी, लुम्बिनी प्रदेश सभा सदस्य तारा जिसी, किसान महासंघ प्यूठानका अध्यक्ष मीन बहादुर केसी, शिक्षक संघ झिमरूक का अध्यक्ष गोपाल गिरी र झिमरूक वार्ड नं ५ का अध्यक्ष तथा राजमो जिल्ला सदस्य टीका जिसीले पनि सम्वोधन गर्नुभएको थियोे ।
कार्यक्रममा समता जिल्ला सदस्य रेकम रसाइली,पत्रकार संघ जिल्ला समितिका लोकेन्द्र सुनार, किसान महासंघ वार्ड ७ का अध्यक्ष पूर्ण बहादुर महतारा र राजमो जिल्ला सल्लाहकार ठाकुर गिरी को समेत आतिथ्यता रहेको थियोे । वार्ड समितिका अध्यक्ष दिनेन्द्र एम्सीको अध्यक्षता सम्पन्न भएको कार्यक्रमको संचालन केवि सुनार र स्वागत ठाकुर गिरीले गर्नु भएको थियो ।
