काठमाडौं । नेकपा (माआवादी) केन्द्रका प्रवक्ता कृष्णबहादुर महराले एमसीसीका आपत्तिजनक प्रावधान संशोधन र राष्ट्रिय सहमति नभए पास हुने बताउनुभएको छ ।
मंगलवार बसेको स्थायी कमिटी बैठकका निर्णयबारे जानकारी दिँदै प्रवक्ता महराले बैठकमा एमसीसीको सम्बन्धमा राष्ट्रिय सहमति कायम नभइ र संशोधन तथा परिमार्जन नभइ अगाडि नबढाउने कुरा भएको बताउनुभयो ।
उहाँले भन्नुभयो, ‘एमसीसीको विषयमा बाहिर जुन कन्फ्युजन भएको छ, हाम्रो पार्टी केही कुरा राष्ट्रिय सहमति कायम नभइकन, केही संशोधन, परिमार्जन नभइकन अगाडिढ नबढाउने भन्ने कुरा भा’छ । एमसीसीको कतिपय कुराहरु आपत्तिजनक छन् । केही कुरा परिमार्जन नभइकन र राष्ट्रिय सहमति, सबै दलको सहमत नभइकन अगाडि बढ्दैन ।’
यस्तै, प्रवक्ता महराले पाँच दलीय गठबन्धन समन्वय समिति संविधानलाई ट्रयाकमा डोहोर्याउनको निम्ति आवश्यक रहेको उल्लेख गर्नुभयो । सो समितिले पाँच दलीय गठबन्धनलाई सुदृढ गर्ने उहाँले बताउनुभयो ।
माओवादी केन्द्र न्यायालय भित्रको विवाद न्यायालय आफैँले टुंग्याउनुपर्ने पक्षमा रहेको प्रवक्ता महराको भनाई छ ।
