काठमाडौँ ।भारतीय राज्य उत्तराखण्डका मुख्यमन्त्री त्रिवेन्द्र सिंह रावतले कालापानी भारतको भूमि रहेको दाबी गरेका छन् । उनले कालापानीबाट भारतीय सेना नहट्ने पनि बताएका छन् ।
आइतवार प्रधानमन्त्री केपी शर्मा ओलीले भारतले हडपेको नेपाली जमिन फिर्ता गर्न र कालापानी क्षेत्रबाट भारतीय सेना हटाउन आग्रह गरेका थिए । त्यसै विषयमा संचारमाध्यमलाई प्रतिकृया दिँदै उत्तराखण्डका मुख्यमन्त्री त्रिवेन्द्र सिंहले कालापानी भारतको भूमि हो भारतकै हुन्छ भनेर दावी गरेका हुन ।
भारतीय समाचार अनलाइन अमर उजालाका अनुसार मुख्यमन्त्री सिंहले नेपालले कालापानीको विषयमा प्रश्न उठाउनु चिन्ताजनक भएको बताउदै जमीन आफूहरुकै भएकाले फिर्ता नहुने जवाफ दिएका हुन् ।
कालापानी क्षेत्र उत्तराखण्ड राज्यको पिथौरागढ जिल्लामा पर्ने भएकाले भारतीय पक्षको दाबी छ । मुख्यमन्त्री सिंहले कालापानी क्षेत्रबाट भारतीय सेना हटाउन प्रधानमन्त्री ओलीले गरेको आग्रह स्वीकार नहुने बताए । उनले कालापानीबाट भारतीय सेना नहट्ने अडान लिएका छन् । सिंहले नेपाल भारत मित्र राष्ट्र भएको हुनाले दुई देशबीच छलफलको मध्यमबाट समस्याको समाधान गर्ने समेत् बताएका छन् ।
