शंकर प्रसाद पोख्रेल, गुल्मी ।
राष्ट्रिय जनमोर्चामा प्रवेशको लहर चलेको कालीगण्डकी गाउँपालिकाको अर्बेनी २ निगालेमा २० जनाले अन्य पार्टी परित्याग गरी राजमोमा प्रवेश गरेका छन् ।
राष्ट्रिय जनमोर्चाका केन्द्रीय नेता रामकुमार क्षेत्रीले नव प्रवेशीहरुलाई सैद्धान्तिक र राजनीतिक प्रशिक्षण दिनुभएको थियो ।
सो कार्यक्रम पछि आयोजित भेलाले होमबहादुर थापाको अध्यक्षतामा ११ सदस्यीय समितिसमेत गठन गरिएको छ । समितिको उपाध्यक्षमा लालकुमारी बुढा, सचिव तारा बुढा, सिमा बुढा र कोषाध्यक्षमा पदमबहादुर बुढा चयन हुनुभएको छ । सदस्यहरुमा रोमबहादुर
क्षेत्री, धनबहादुर थापा, मिना कुमारी बुढा, जमुना बुढा, हरि बुढा, पबित्रा श्रीस रहनुभएको छ। नवनिर्वाचित समितिलाई बधाई दिँदै नेता क्षेत्रीले देशमा कांग्रेस, एमाले, माओवादीले जनतालाई विभिन्न ढंगले धोका दिएको बताउनुभयो । उहाँले देशमा अन्याय अत्याचार शोषण दमनका विरुद्ध लड्ने शक्ति राष्ट्रिय जनमोर्चा मात्र भएको बताउ ँदै स बैलाई राष्ट्रिय जनमोर्चाको झन्डामुनी गोलवद्व हुन आग्रह गर्नुभएको । त्यस्तै, उहाँले राष्ट्रघाती एमसीसी सम्झौता र संघीयता खारेज गर्न आन्दोलनको आ ँधिबेरी सिर्जना गर्नुपर्ने बताउनु भयो ।
कार्यक्रममा राजमोका केन्द्रीय सदस्य, तारा थापा, कालीगण्डकी गाउँपालिकाका राजमो अध्यक्ष गंगा केसी, अखिल नेपाल युवक संघ कालीगण्डकी गाउँपालिकाका अध्यक्ष मेघराज शर्मा तथा गाउँपालिका सदस्य खेम पुनको उपस्थित थियो ।
कालीगण्डकी गाउँपालिकामा राष्ट्रिय जनमोर्चाले पार्टी प्रवेश, प्रशिक्षणलगायत संगठनात्मक अभियानलाई तिब्रता दिएको छ ।
