खिमराज चालिसे, चंडिगढ ।
मूल प्रवाह अखिल भारत नेपाली एकता समाज सुदूरपश्चिमोत्तर क्षेत्रको श्रीगंगानगर नगरमा संगठन निर्माण अभियान तीब्र गतिमा सञ्चालन भई रहेको छ । त्यस क्रममा थप एरिया तथा टोल भेलाहरु सम्पन्न भएका छन् ।
घडसना एरिया
श्रीगंगानगर अन्तर्गत घडसना एरिया समितिको भेलाको उद्घाटन मूल प्रवाहका केन्द्रीय सचिव त्रिभुवन भट्टराईले गर्नुभयो । कार्यक्रममा उहाँले संगठन निर्माण अभियान अझै तीब्र गतिमा अगाडि बढाउन सबै नेता कार्यकर्ता एकढिक्का हुनुपर्ने धारणा राख्नु भएको थियो ।
नगर अध्यक्ष गिरु न्यौपानेले प्यानल सहितको नामावलीको घोषणा गर्नुभएको सो भेलाले राम कुमार रसाइलीको अध्यक्षतामा १३ पूर्ण ४ वैकल्पिक र ६ सल्लाहकार गरी २३ सदस्यीय एरिया समितिको निर्माण गरेको छ ।
समितिको उपाध्यक्ष विष्णु बराईली, सचिव गोविन्द बहादुर थापा, सहसचिव हरि भट्टराई, कोषाध्यक्ष हुकुम बहादुर विक तथा सदस्यहरुमा कृष्ण भण्डारी, सुमन विक, अमर दर्लामी, भगत विक, अनमोल थापा, सन्तोष खडका, भेषमान थापा, डोर व दर्लामी, वैकल्पिक सदस्यमा शिवराज पोख्रेल, उषा पोख्रेल, गोमा भट्टराई, शान्ता दर्लामी रहनुभएको छ । यस्तै, सल्लाहकारमा शान्ता दर्लामी बी, टेक बहादुर खड्का, टिकाराम भट्टराई, टेक बहादुर खड्का बी, इश्वर वस्नेत र जुग बहादुर विक रहनु भएको छ ।
नवनिर्वाचित समितिलाई महिला क्षेत्रीय विभागकी कोषाध्यक्ष सुनिता भट्टराई र पूर्वनगर अध्यक्ष शिवप्रसाद पोख्रेलले बधाई एवम् शुभकामना दिनु भएको थियो ।
कार्यक्रम राम बहादुर रसाइलीको अध्यक्षता तथा वसन्त भण्डारीको सञ्चालनमा सम्पन्न भएको थियो भने स्वागत हुकुम बहादुर विकले गर्नुभएको थियो ।
गौशाला टोल समिति
मूल प्रवाह अखिल भारत नेपाली एकता समाज श्री गंगानगर नगर समितिद्वारा सञ्चालित सुरतगढ़ एरिया समिति अन्तर्गत गौशालामा टोल भेला सम्पन्न भएको छ ।
भिम बहादुर पुनको पहल एवं मूल प्रवाह केन्द्रीय सचिव त्रिभुवन भट्टराई, महिला क्षेत्रीय विभागकी कोषाध्यक्ष सुनिता भट्टराई, नगर अध्यक्ष गिरु प्रसाद न्यौपाने, सचिव बसन्त भन्डारी, पूर्व नगर अध्यक्ष शिवप्रसाद पोख्रेलको विषेश उपस्थितीमा सो भेला भएको हो ।
भेलाले विभिन्न समसामयिक विषयमा व्यापक छलफल पश्चात निर्माण गरेको टोल समितिमा अध्यक्ष मिन बहादूर परियार, सचिव सुमित परियार, कोषाध्यक्ष पुजा परियार, सदस्यहरुमा कृष्णा परियार, गोपाल परियार, अशोक परियार, कमला परियार, अमित परियार, भिम बहादुर पुन र गायत्री पुनसहित एक स्थान रिक्त गरी ११ सदस्यीय टोल समिति गठन गरिएको हो ।
कार्यक्रम मिन बहादुर परियारको अध्यक्षता र नगर सचिव बसन्त भण्डारीको सञ्चालनमा सम्पन्न भएको थियो ।
यो पनि :
श्रीगंगानगरमा मूल प्रवाहको संगठन विस्तार तीब्र गतिमा
श्रीगंगानगरमा मूल प्रवाहको संगठन निर्माण जारी
मूल प्रवाहको श्रीगंगानगरमा एरिया भेला
