खिमराज चालिसे, चंडिगढ ।
मूल प्रवाह अखिल भारत नेपाली एकता समाज श्रीगंगानगर नगर समितिको एरिया भेला सम्पन्न भएको छ । आइतबार पदमपुर एरिया समितिको वार्षिक उत्सवको अवसर पारेर भेलाको आयोजना गरिएको हो ।
केन्द्रीय सचिव त्रिभुवन भट्टराईले उदघाटन गर्दै विभिन्न खाले अवसरवादका विरुद्ब संघर्ष गर्न संगठनलाई अझ तीब्र गतिमा विकास र विस्तार गर्नुपर्ने आवश्यकता रहेको बताउनु भयो ।
भेलामा नवनिर्वाचित पदाधिकारीहरु सहितको प्यानल नगर अध्यक्ष गिरुप्रसाद न्यौपानेले प्रस्तुत गर्नु भएको थियो । समितिको अध्यक्षमा नारायण रोका क्षेत्री, उपाध्यक्ष रामबहादुर बगाले, सचिव विष्णु कुँवर, सहसचिव पवित्रा गिरी र कोषाध्यक्षमा गोपाल गिरी चयन हुनु भएको छ । सदस्यहरुमा पिमा गिरी, कमल विक, मोहन गिरी, हिमा रोका क्षेत्री, विनोद जैसी, शुभाष गिरी र वैकल्पिक सदस्यहरुमा लिला गिरी, गंगा गिरी, पदमा बगाले रहनुभएको छ ।
त्यस्तै, सल्लाहकारमा पुरन महतारा, धनश्याम कुँवर, सागर गिरी, शिवलाल कुँवर, बसन्ती कुँवर, भरत सहित ११ पूर्ण ४ वैकल्पिक र ६ सल्लाहकार गरि २१ सदस्सीय एरिया समिति गठन भएको हो ।
मूल प्रवाह सुदूरपश्चिमोत्तर महिला क्षेत्रीय विभागकी कोषाध्यक्ष सुनिता भट्टराईले भेला सफलताको शुभकामना दिनुभएको थियो ।
कार्यक्रम नारायण रोका क्षेत्रीको अध्यक्षता तथा नगर सचिव बसन्त भण्डारीको सञ्चालनमा सम्पन्न भएको थियो भने शिव प्रसाद पोख्रेलले स्वागत गर्नु भएको थियो ।
