भक्त विश्वकर्मा ##
अनुशासन पालना नगर्ने
कारबाही भोग्न र झुक्न नसक्ने
केही पुराना दौँतरीहरू
सिद्धान्त र निष्ठाबाट चिप्लिएर
थ्याच्च फोहोरमा बस्न खोज्दै छन्
व्यक्तिगत रिस र क्रोधले बोल्दै छन् ।
पुँजीवादी शैलीमा पतन हुन लाग्दा
आजभोलि भुइँमा खुट्टै छैन
के के न गरे जस्तो
खुब क्रान्ति सफल पारे जस्तो
ध्वाँस लाउँदै छन
आफ्नै भुँडी फारडेर
बेइज्जत आफ्नै गरेर
मूलधारबाट हेर्दाहेर्दै चिप्लदै छन् ।
पार्टीका नमकहरामहरू
बुर्र बुर्र उफ्रदै छन
पद पाइएन भन्ने स्वार्थीहरूको जमात
बैरीको हाँसो गराउदै
देश दौडाहामा छन्
तत्कालै स्वार्थ खाज्नेहरू
दलाल पुँजीवादमा पतन हुन
क्रान्तिकारीको भ्रम छर्दै छन
पार्टीको बेइज्जत गर्न सल्बलाउँदै छन् ।
महाक्रान्तिका कुरा गर्दै, महागद्वारी गर्दै
महास्वार्थमा पतन हुँदै गरेका मित्रहरू
इतिहासलाई किन पुनरावृत्ति गर्दै छौ ?
टुप्पीको बल लगाएर आफ्नै जरा काट्ने
घरमा आगो लगाएर आगो ताप्ने
अलिकति लाज, अनि मर्यादामा बस ।
एउटा क्रान्तिकारी पार्टीको
ब्रान्डमाथि धावा बोल्ने
रअ र सी.आई.बी. का मान्छेबाहेक
कोही हुन सक्दैनौ
हेक्का राखौँ
ब्रान्डलाई सकेर रमाउने कामरेडहरू
त्या दिवासपना नदेखेकै राम्रो
इतिहास हेर
आफ्नो कित्ता काट, बस ।
पुँजीवादमा रूपान्तरण हुँदै गरेका मित्रजनहरू
जति सक्छौ अझ अभद्र बन
इतिहासले फेरि पनि प्रमाणित गर्ने छ
पक्कै पनि समय लाग्ला
पर्खांैला, हेरौला
राता मान्छेहरू कालो पङ्क्तिमा
सामेल भएको दिन बारम्बार स्मरण गरौँला ।
ठुलो वा सानो समूहले बाटो बिराएको
इतिहास लेख्दै जाउला
स्वार्थीहरूको धमधमी र चुरीफुरीबारे
अर्काे पानामा लेख्दै
अनि समीक्षा गर्दै जाउँला
ढुलमूल र अवसरपादीलाई तह लाउँदै
क्रान्तिको बाटोमा सधैँ अगाडि बढौँला
क्रान्तिको बाटोमा सधै अगाडि बढौँला ।
