शंकर प्रसाद पोख्रेल, गुल्मी ।
नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीलले गुल्मीको तम्घास बजारमा एमसीसी विरुद्ध प्रदर्शन गरेको छ । सो कार्यक्रमलाई राष्ट्रिय जनमोर्चाले पनि ऐक्यवद्धता जाहेर गरेको छ ।
एमसीसी विरुद्ध चर्का नाराबाजीसहित बजार परिक्रमपछि जिल्ला प्रसासन कार्यालय अगाडि कोणसभा सम्पन्न भएको थियो । कोण सभामा नेकपाका जिल्ला नेता वसन्त गैरे, अखिल (क्रान्तिकारी)का जिल्ला अध्यक्ष विकल्प खत्री लगायतले मन्तव्य राख्नुभएको थियो ।
कार्यक्रममा राष्ट्रिय जनमोर्चाका जिल्ला नेता हरि न्यौपानेले सम्बोधन गर्दै आफ्नो पार्टीको एमसीसी विरुद्धको कार्यक्रममा समर्थन रहने प्रतिबद्धता जनाउनुभएको थियो ।
साथै उहाँले सम्पुर्ण राष्ट्रवादी नेपालीहरुलाई एमसीसी विरुद्ध सडकमा उत्रन आह्वान पनि गर्नुभयो ।
स्वतन्त्र युवा समूह गुल्मीका आनन्द टन्डनले पनि मन्तव्य राख्नुभएको थियो।
