शंकर प्रसाद पोख्रेल, गुल्मी ।
राष्ट्रिय जनमोर्चा, गुल्मीले तम्घास बजारमा एमसीसी खारेजीको माग गर्दै विरोध प्रदर्शन गरेको छ । विरोध सभा हुनु अघि राजमो पार्टी कार्यलयबाट जुलुस सहित विरोध प्रदर्शन गरेको थियो ।

राष्ट्रिय जनमोर्चाका जिल्ला अध्यक्ष जिवन रानाको सभापतित्वमा तम्घासको लाकुरी मञ्चमा विरोध सभा सम्पन्न भएको हो ।

कार्यक्रममा राजमो जिल्ला सचिव छबिलाल सर्तुङ्गी, बुद्धिजीवि नेता कमल अर्याल, नेकपा (मसाल) का जिल्ला प्रवक्ता ओम बहादुर कुँवर, जिल्ला सदस्य हरि न्यौपाने लगायत वक्ताहरुले एमसीसी नेपालको हितमा नभएकोले तत्काल खारेज गर्नुपर्ने बताउनु भयो ।

कार्यक्रमको सञ्चालन अखिल नेपाल जनजाती सम्मेलनका जिल्ला नेता गुमानसिंह पुनले गर्नुभएको थियो ।