विष्णु शर्मा ##
असारे मेलोसरि मूल प्रवाहको चहलपहल
भारतका गल्ली बस्ती हेरौँ बरिलै
सङ्गठित हुनुहुन्न भन्ने तर्क गर्नेले
अब आफ्नो मानसिकता फेरौँ बरिलै
कहिँ गठन/पुनर्गठन कतै सभा सम्मेलन
प्रवासभरि हर्षोल्लास छायो बरिलै
राता राता ब्यानरसहित झन्डा फहराउँदै
शोषित–पीडित एक हुँदै आयो बरिलै
जनताको आवाजले आकाशधर्ती गुन्जाउँदै
प्रगतिको उभार आयो बरिलै
सङ्घयता चाहिँदैन देश टुक्राउन पाइदैन
भन्दै चर्का चर्का नारा लायो बरिलै
प्रवासबाटै मताधिकार हुनुपर्छ भनेर
सरकार सामु एजेन्डा राख्यो बरिलै
सरकारले नि बारम्बार आशाहरू देखाई
कार्यान्वयनमा सधैँभरि ढाट्यो बरिलै
साम्राज्यवादको विषालु कोसेली
एमसिसीको विरुद्धमा बोल्यो बरिलै
जनतालाई बुझाउन अभिभावकहरूले
छद्मभेषीको पोलहरू खोल्यो बरिलै
अराजकले केही समय लाटासिधा जनलाई
नभएका उल्का लगाई ठग्यो बरिलै
के रोकिन्थ्यो मूलको पानी कच्चा बाँध बाधेर
बाँधै भत्काई सललल बग्यो बरिलै
फुटपरस्त तत्त्वहरूका भ्रमहरू चिर्दै
प्रवासीले एकताको गीत गायो बरिलै
कच्चा पिल्लर भत्काउने पक्का पिल्लर बनाउने
जन जनले बाचा–कसम खायो बरिलै
