खिमराज चालिसे ।
मूल प्रवाह अखिल भारत नेपाली एकता समाज, सुदूर पश्चिमोत्तर क्षेत्रअन्तर्गत श्रीगङ्गानगर नगर समितिले आफ्नो नगरमा व्यापक सङ्गठन निर्माण अभियान तीव्र गतिमा सञ्चालन गरिरहेको छ ।
उक्त अभियानअन्तर्गत अगस्त २७, २०२१ का दिन सेतियाफार्म एरियामा नगर अध्यक्ष गिरुप्रसाद न्यौपानेको तथा रेमलाल न्यौपानेको पहलमा एवम् केन्द्रीय सचिव त्रिभुवन भट्टराई र नगर सचिव बसन्त भण्डारीको विशेष उपस्थितिमा आयोजित टोल भेलाले मूल प्रवाहको विधान घोषणापत्र तथा समसामयिक विषयमा व्यापक चर्चापश्चात १५ सदस्यीय टोल समिति गठन गरेको छ ।
रेमलाल न्यौपानेको अध्यक्षतामा गठित सेतियाफार्म टोल समितिमा सचिव पुरन केसी, कोषाध्यक्ष कमल विक, सदस्यमा सरस्वती केसी, रमेश एमसी, वालीका एमसी, लक्ष्मी विक, अमृता न्यौपाने, पदम विक, मधु विक, सरिता जिसी, मनोज विक, वर्षा एमसी र अर्जुन एमसी रहनुभएको छ ।
रेमलाल न्यौपानेको अध्यक्षतामा तथा बसन्त भण्डारीको सञ्चालनमा सम्पन्न कार्यक्रममा शुभकामना मन्तव्य केन्द्रीय सचिव त्रिभुवन भट्टराई र नगर अध्यक्ष गिरुप्रसाद न्यौपानेले दिनुभएको हो ।
सोही एरियाको मैयावालीमा नगर अध्यक्ष गिरुप्रसाद न्यौपानेको पहल एवम् केन्द्रीय सचिव त्रिभुवन भट्टराई र नगर सचिव बसन्त भण्डारीको विशेष उपस्थितिमा भेलाको सम्पन्न भएको छ ।
भेलाले बसन्त पोख्रेलको अध्यक्षतामा पाँच सदस्यीय टोल समिति गठन गरेको छ, जसमा सचिव राज भण्डारी, कोषाध्यक्ष तिर्था पोख्रेल, सदस्यमा दुर्गा भण्डारी र टिना भन्डारी रहनु भएको छ ।
कार्यक्रम गिरुप्रसाद न्यौपानेको अध्यक्षतामा तथा बसन्त भण्डारीको सञ्चालनमा सम्पन्न भएको हो ।
