काठमाडौं । राष्ट्रिय जनमोर्चा, सुदूपश्चिमका नाममा केही फुटपरस्त व्यक्तिहरुले गरेको कथित भेलामा हाल पञ्जाबमा रहेका व्यक्तिकोसमेत उपस्थिती गराएको खुलेको छ ।
अखिल (छैठौं) का केन्द्रीय सदस्य डबल तिरुवालाई भेलामा उपस्थित रहेको भन्दै कथित प्रदेश समितिमा राखेको पाइएको हो ।
सञ्चारमाध्यममा भेला भएको र कथित प्रदेश समितिमा आफ्नो नाम राखेको पाइएपछि तिरुवाले पञ्जावबाटै आपत्ति प्रकट गर्नुभएको छ । उहाँले शुक्रबार एक विज्ञप्ति प्रकाशित गरी फुटपरस्त तत्वहरूको भ्रममा नपर्न अपिल गर्नुभएको छ ।
अखिल (छैठौं) डडेल्धुराद्वारा अराजक गतिविधि नगर्न चेतावनी
यता, अखिल (छैठौं) डडेल्धुराले जिल्लामा राष्ट्रिय जनमोर्चाका नाममा अराजक गतिविधि नगर्न कथित प्रदेश समितिलाई चेतावनी दिएको छ ।
शुक्रबार बसेको बैठकपछि प्रेस विज्ञप्ति प्रकाशित गरी अध्यक्ष कर्म जोशीले ‘पार्टी विरोधी, फुटपरस्त र अराजक झुण्डद्वारा गरिएको उक्त भेला अनेरास्ववियु (छैठौं) डडेल्धुरा अस्वीकार गर्दछ’ भन्नभएको छ ।
शुक्रबार बसेको समितिको बैठकमा राष्ट्रिय जनमोर्चाका महासचिव मनोज भट्ट र अखिल (छैठौं) का सचिव सुवास जिसीले समसामयिक विषयमा प्रशिक्षण दिनुभएको थियो ।
