खिमराज चालिसे, चण्डीगढ ।
मूल प्रवाह अखिल भारत नेपाली एकता समाज सुदूर पश्चिमोत्तर महिला क्षेत्रिय विभागकी कोषाध्यक्ष सुनिता भट्टराईलाई पितृशोक परेको छ ।
उनकी पिता तथा एकता समाजकै केन्द्रीय सचिव त्रिभुवन भट्टराईका ससुराबुबा छविलाल पोख्रेलको अगस्त १९, २०२१ का दिन निधन भएपनि उहाँहरू शोकमा पर्नुभएको हो ।
उहाँको निधनप्रति मूल प्रवाह एकता समाजको सुदुर पश्चिमोत्तर क्षेत्रीय समितिले मृतक छविलाल पोख्रेलप्रति भावपूर्ण श्रद्धाञ्जली अर्पण गर्दै शोकसन्तप्त परिवारमा समवेदना प्रकट गरेको छ।
उहाँको दाहसंस्कार दाङ–देउखुरीको बनकट्टाघाटमा आज साँझ ६ बजे गरिने जानकारी केन्द्रीय सचिव त्रिभुवन भट्टराईले दिनुभएको छ ।
दाङ, लमही नगरपालिका वडा नम्बर १ श्रीगै निवासी ७८ वर्षीय मृतक छविलाल पोख्रेल राष्ट्रिय जनमोर्चाका सदस्य हुनुहुन्थ्यो । उहाँ केही वर्षदेखि क्यान्सर रोगबाट पीडित हुनुहुन्थ्यो ।
