काठमाडौं । अफगानिस्तानबाट उद्धार गरिएका १२७ नेपाली नेपाल आइपुगेका छन् । उनीहरू सवार विमान आज त्रिभुवन अन्तर्राष्ट्रिय विमानस्थलमा अवतरण गरेको हो ।
उनीहरूलाई अफगानिस्तानबाट कुवेत हुँदै नियमित उडानबाट काठमाडौं ल्याइएको हो । ती नेपालीलाई एयर जर्जियाको विमानबाट काठमाडौं ल्याइएको त्रिभुवन विमानस्थलले जनाएको छ ।
अफगानिस्तानबाट उद्धार गरिएका नेपालीलाई दोहा, कुवेतलगायत देशमा ल्याएर राखिएको छ । उनीहरू नेपाल आउने प्रतिक्षामा रहेका छन् ।
वैदेशिक रोजगार विभागका अनुसार हिजो (सोमबार) साँझसम्म एफएसआई वर्ल्ड म्यानपावर कम्पनीले ३३० जना नेपाली दोहा आइपुगेको जानकारी गराएको थियो भने युनिभर्सल कनेक्सन म्यानपावर कम्पनीले ४३७ जना काबुल विमानस्थलमा उडानको प्रतिक्षामा रहेको जानकारी गराएको थियो ।
अफगानिस्तानमा विद्रोही संगठन तालिवानले सत्ता कब्जा गरेपछि त्यहाँको स्थिति बिग्रन सक्ने भन्दै प्रवासी श्रमिक आफ्नै देश फर्किन थालेका छन्।
