काठमाडौँ । प्रहरीको केन्द्रीय अनुसन्धान ब्युरोबाट खटिएको टोलीले बैङ्किङ कसुरमा दोषी ठह¥याइएका फरार एक व्यक्तिलाई २०७८ साउन २९ गते पक्राउ गरेको छ । पक्राउ पर्नेमा काठमाडौँ महानगरपालिका–१६ बस्ने ४८ वर्षीया प्रेमकुमारी खड्गी रहेका छन् ।
उनले आफ्नो खातामा पर्याप्त मौज्दात रकम नभएको भन्ने जानी जानी पीडितलार्ई झुक्यानमा पारी चेक दिएकोमा अदालतले बैङ्किङ कसुर गरेको ठहर गरेको थियो ।
बैङ्किङ कसुरजन्य अपराध गरेको उच्च अदालत पाटनको २०७६ जेठ २१ को फैसलाले बैङ्किङ कसुर तथा सजाय ऐन–२०६४ बमोजिम पाँच दिन कैद र रु बिस लाख जरिवाना हुने ठहर गरेकामा उनी फरार हुँदै आएकी थिइन् ।
फैसला कार्यान्वयन तथा फरार प्रतिवादीको खोजतलास एवम् पक्राउका लागि परिचालित टोलीले उनलाई आज काठमाडौँको साह्रखुट्टेबाट पक्राउ गरी फैसला कार्यान्वयनका लागि ललितपुर जिल्ला अदालतमा पेस गरेको प्रहरी उपरीक्षक श्यामकुमार महत्तोले जानकारी दिनुभयो ।
