काठमाडौँ । नेपाल पत्रकार महासङ्घले कोरोना सङ्क्रमित पत्रकारलाई सहयोग पु¥याउने उद्देश्यले स्थापना गरेको कोरोना राहत कोषका लागि अस्ट्रेलियाको सिड्नीस्थित अस्ट्राटेक प्रालिका तर्फबाट तीन लाख सहयोग प्राप्त भएको छ ।
अस्ट्राटेक प्रालिका फाउन्डर तथा एनआरएनए अस्ट्रेलियाका एसिसी सेक्रेटरी (एनएसडब्लु) इ. विनोद कुँवरमार्फत प्राप्त भएको उक्त रकम २०७८ साउन २९ गते एक कार्यक्रममाझ महासङ्घका कार्यवाहक अध्यक्ष रमेश विष्टलाई अस्ट्राटेक प्रालिका नेपालस्थित कार्यालयका प्रतिनिधि सैलेश शाँखीले हस्तान्तरण गर्नुभएको हो ।
सो अवसरमा कार्यवहाक अध्यक्ष विष्टले कोराना सङ्क्रमति पत्रकारका लागि सहयोग पु¥याउन महासङ्घले सञ्चालन गरेको अभियानमा सहयोग गर्नुभएकोमा एनआरएनए अस्ट्रेलियाका एसिसी सेक्रेटरी (एनएसडब्लु) इ. विनोद कुँवरसहित नेपाल प्रतिनिधि शाँखीलाई हार्दिक धन्यवाद व्यक्त गर्नुभयो ।
उहाँले सहयोगले नेपाली पत्रकारप्रतिको विश्वास र स्नेह प्रकट भएको बताउँदै समस्या परेका पत्रकारलाई राहत पुग्ने बताउनुभयो । उहाँले प्राप्त सहयोग लक्षित पत्रकारसम्म पारदर्शी ढङ्गबाट सहयोग गरिने बताउनुभयो ।
कावा अध्यक्ष विष्टले भविष्यमा पनि अस्ट्राटेक प्रालिसँग सहकार्य गरी अगाडि बढ्ने बताउँदै थप सहयोग र सहकार्यको अपेक्षा रहेको बताउनुभयो ।
रकम हस्तान्तरण कार्यक्रममा महासङ्घका केन्द्रीय सदस्य शिवराज तिमिल्सिना र लेखा समिति सदस्य मुकुन्दप्रसाद भण्डारीको उपस्थिति रहेको थियो ।
