धनवीर पुनमगर, नयाँदिल्ली ।।
मूल प्रवाह अखिल भारत नेपाली एकता समाजका पूर्व केन्द्रीय सदस्य ईन्द्रबहादुर लिम्बु पितृशोकमा पर्नुभएको छ । जुलाई २९, २०२१ का दिन ७१ वर्षीय पिता प्रेमबहादुर लिम्बुको निधनसँगै उहाँ पितृशोकमा पर्नुभएको हो ।
प्रेमबहादुर लिम्बु हाल मेघालयको जोवाईमा छोराबुहारीसँग रहँदै आउनुभएको थियो । धनकुटा मौनाबुधुक–२ निवासी लिम्बुको जन्म २००७ असाज १६ गते भएको थियो । उहाँका दुई छोराहरू ईन्द्रबहादुर लिम्बु, हरिबहादुर लिम्बु र एक छोरी रहेका छन् ।
प्रेमबहादुर लिम्बुले आफ्ना सम्पूर्ण परिवार लिएर गाईपालनका लागि मेघालयको जोवाई पुग्नुभएको थियो । लामो समयदेखि अस्वस्थ रहनुभएका लिम्बुको आकस्मिक रूपमा स्वास्थ्य बिग्रिएपछि नजिकको अस्पतालमा भर्ना गर्नका लागि अस्पताल लैजादै गर्दा निधन भएको थियो । निधनपछि परीक्षण गर्दा उहाँमा कोभिड पोजेतिभ देखिएको थियो ।
लिम्बुको निधनबाट मूल प्रवाह अखिल भारत नेपाली एकता समाज पूर्वोत्तर भारत क्षेत्रीय समिति शोकमा परेको छ । क्षेत्रीय समितिले शोकसन्तप्त परिवारजनमा गहिरो समवेदना एवम् मृतकप्रति भावपूर्ण श्रद्धाञ्जली व्यक्त गरेको छ ।
