भारतको गल्ली गल्ली मूल प्रवाहको लहर।
हँसिया र हथौडाको झन्डा फरर।।
संघर्ष गर्नलाई नपरौँ है पछाडी ।
मूल प्रवाहको सदस्य बनौँ बरीलै।।

संघीयता हटाउने मूल नारा हाम्रो छ।
आउनुस् सबै एकै होऔँ पार्टी राम्रो छ।।
अनुशासन लागू हुन्छ, भन्छौँ हामी सबैलाई।
मूल प्रवाहको झन्डा बोकी हिँडौ बरीलै।।

अन्यायमा परेकालाई न्याय दिने पार्टी हो।
मूल प्रवाहको अखबार लाउनुस साथी हो।।
संगठित हुन विगुल फुक्नुस् भन्छौँ सबलाई।
नेपाली समाचार पढ्नुस बरीलै‌‌।।

एमसीसी र संघीयता खारेज गर्ने नारा हो।
उठ जाग बस्ती बस्ती सर्वहारा हो।।
हाम्रो बाटो अप्ठ्यारो छ नथाक्नु है कहिल्लै।
मूल प्रवाहको क्यालेन्डर राखौँ बरीलै ।।

बिचल्लीमा परेकालाई साथ दिने पार्टी हो।
मूल प्रवाहको झन्डामुनी आऊ साथी हो।।
लेख्दा केही गल्ती भए माफ गर्नु ‘सरी’ है।
मूल प्रवाहको सदस्य बनौँ बरीलै ।।

(जुना भन्डारी चालिसे, चंडिगढ, भारत)