खिमराज चालिसे, चण्डीगढ ।
प्युठान जिल्ला, मालारानी गाउँपालिका निवासी बबिन धामीकी २० वर्षीया श्रीमती सरस्वती धामी जुलाई १४, २०२१ देखि भारत पन्जाब राज्यको लुधियाना फोकलप्वाइन्टबाट हराएकाले खोजीकार्यमा सहयोग गर्न आग्रह गरिएको छ ।

आफूले काम गर्ने कार्यस्थलबाट श्रीमानको जन्मदिन हो भनी छुट्टी लिएर हिडेकी उनी डेराबाट भने दिउसो १ बजे कसैको मोटरसाइकिलमा चढेर हिडेको छिमेकी एक बालकले बताएका छन् ।

उचाइ ४.५ फुट, गहुगोरो वर्ण भएकी सरस्वती धामीको खोजीकार्यमा सहयोग गर्न मूल प्रवाह अखिल भारत नेपाली एकता समाजको लुधियाना फोकलप्वाइन्ट नगर समितिमा उनका पतिले निवेदन दिएको नगर सचिव अर्जुन कार्कीले जनाउनुभएको छ ।

उनी भेटिएमा नजिकको मूल प्रवाहको कार्यालय अथवा बबिन धामी, फोन– ९१–७९०१८३४६८ मा खबर गरिदिन मूल प्रवाह लुधियाना फोकलप्वाइन्ट नगर समितिले आग्रह गरेको छ ।