राज कुमार रायमाझी, एलुरू ।
दाङकी ब्लडक्यान्सर पीडित एक बालिकालाई मूल प्रवाह अखिल भारत नेपाली एकता समाजले आर्थिक सहयोग गरेको छ ।
प्युठानको मल्लरानी गाउँपालिका–१ लुक्का ठूलापोखरा घर भइ हाल दाङ जिल्लाको तुल्सीपुर उपमहानगरपालिका ७ प्रसेनी बस्ने श्याम बहादुर राहुँ मगरकी छोरी १२ वर्षीया सन्ध्या राहुँ मगरलाई मूल प्रवाहले सहयोग गरेको हो ।
ब्लडक्यान्सर पीििडत सन्ध्याको हाल कान्ति बाल हस्पिटल काठमाडौंमा उपचार भइरहेको छ । आर्थिक रुपमा विपन्न मगर परिवारले बालिकाको उपचार गर्न समस्या परेपछि सहयोगको लागि अपिल गरेको थियो ।
मूल प्रवाहा नगर अध्यक्ष राज कुमार रायमाझी, उपाध्यक्ष लक्ष्मी जिसि, सचिव शिव राज पौडेल, सहसचिव पितम बहादुर पुन, कोषाध्यक्ष कमला भट्टराई सदस्य राम प्रसाद पौडेल, तुल बहादुर रायमाझी, शंकर खड्कालगायतको सक्रियतामा रकम संकलन गरी पीडितलाई १० हजार रुपैयाँ हस्तान्तरण गरिएको हो ।
बालिकाको उपचारका लागि सहयोग गर्न बालिकाको परिवारले सबैसँग आग्रह गरेको छ ।
