काठमाडौं । गण्डकी प्रदेशका मुख्यमन्त्री कृष्णचन्द्र पोखरेल नेपालीले प्रदेश सभामा विश्वासको मत पाउनुभएको छ । शुक्रबार भएको मतदानमा पोखरेलले ३१ मत प्राप्त गर्नुभयो ।

५८ जना सांसद उपस्थित हुँदा प्रस्तावको पक्षमा ३१ मत र विपक्षमा २७ मत परेको छ । उहाँलाई नेकपा (एमा)ले बाहेकका दलले मत दिएका छन् ।

मुख्यमन्त्री पोखरेल नेपालीको पक्षमा नेपाली कांग्रेस, माओवादी केन्द्र, राष्ट्रिय जनमोर्चा, जनता समाजवादी पार्टी लगायतको गठबन्धनबाट जेठ २९ गते मुख्यमन्त्री नियुक्त हुनुभएको थियो ।

एमालेका मुख्यमन्त्री रहेका पृथ्वी सुब्बा गुरुङले विश्वासको मत लिन नसकेपछि पोखरेल नेपालीले बहुमत पु-याउनुभएको हो ।