काठमाडौँ । प्रधानमन्त्री केपी ओलीको सरकारले आज फेरि मन्त्रिमण्डल पुनर्गठन गरेपछि अब प्रश्न उठेको छ, प्रधानमन्त्रीले कति पटक मन्त्रिमण्डल पुनगर्ठन गर्न सक्छन् ?

अर्थविद रामेश्वर खनालले ट्विटर ह्यान्डलमार्फत् यस्तो प्रश्न उठाएका हुन् ।

उनले संविधानमा मन्त्रीको अधिकतम सङ्ख्या तोकिएकोमा भने सन्तोष व्यक्त गरेका छन् । तर २८ महिनामा १७ पटक मन्त्रिमण्डल पुनर्गठन गर्नुलाई भने उनले अस्थिरता किटानी गरेका छन् ।

“मन्त्रीमण्डलको अधिकतम सङ्ख्या संविधानमा तोकियो” उनले अगाडि भनेका छन्– “त्यतिले पुगेन, अब संविधान संशोधन गरेर पुनर्गठन कति पटक गर्न पाइने भनेर तोक्नुपर्ने देखियो ।”

उनले थपेका छन्– “२८ महिनामा १७औँ पुनर्गठन ! सरदर डेढ महिनामा परिवर्तन । यो अस्थिरता नभए के हो ?”

मन्त्रीमंडलको अधिकतम संख्या संविधानमा तोकियो. त्यतिले पुगेन, अब संविधान संशोधन गरेर पुनर्गठन कति पटक गर्न पाइने भनेर तोक्नु पर्ने देखियो. २८ महिनामा १७औं पुनर्गठन ! सरदर डेढ महिनामा परिवर्तन. यो अस्थिरता नभए के हो?

— Rameshore Khanal (@rameshore) June 10, 2021