काठमाडौं । प्रधानमन्त्री केपी शर्मा ओली र राष्ट्रपति विद्यादेवी भण्डारीले गरेको संसद विघटनविरुद्ध जिल्ला–जिल्लामा विपक्षी दलहरु आन्दोलित भएका छन् । विपक्षी दलहरु राष्ट्रिय जनमोर्चा, नेपाली कांग्रेस, नेकपा (माओवादी केन्द्र), नेकपा (एमाले) नेपाल समूह र जनता समाजवादी दलले आन्दोलनको तयारी थालेका हुन् ।
केन्द्रमा पाँच दलको गठबन्धन बनेलगत्तै जिल्लाहरुमा पनि संयुक्त बैठक बसी ओलीको ‘प्रतिगामी’ कदमको संयुक्त विरोध सुरु भएको छ । बाँके, गुल्मी, कञ्चनपुर, डडेलधुरा, बारा, भक्तपुरसहित विभिन्न जिल्लाहरुमा पाँच दलले संयुक्त विज्ञप्ति मार्फत विरोध जनाएका छन् ।
अहिले कोरोना संक्रमणको जोखिम तथा निषेधाज्ञाका कारण जुलुश प्रदर्शन गर्न उपयुक्त नभएको र जहाँ जे सम्भव छ, त्यही आधारमा विरोध गर्न तल्ला समितिहरुलाई निर्देशन दिइएको राष्ट्रिय जनमोर्चाका उपाध्यक्ष दुर्गा पौडेल बताउनुहुन्छ ।
ओलीका असंवधानिक तथा प्रतिगामी कदम सच्याउन त्यसविरुद्ध आउने दलहरुसँग तालमेल गरी आन्दोलनको वातावरण बनाउन पार्टीका जिल्ला समितिहरुलाई निर्देशन दिएको पौडेलले युगदर्शनलाई जानकारी दिनुभयो ।
यस्तै, राजमोले नागरिकता अध्यादेशविरुद्ध पनि जनमत सिर्जना गर्ने प्रयास गरिरहेको उहाँले बताउनुभयो । संसदमा लामो समयदेखि विचाराधिन नागकिरता विधेयकलाई अध्यादेशमार्फत ल्याएर ओलीले भारतलाई रिझाउने र सत्ता लम्ब्याउन चलखेल गरेको राजमोको आरोप छ ।
यस्ता छन् विज्ञप्ति :
