डा. गोविन्दप्रसाद आचार्य ।।
गरिबका बस्तीमा नआइदे न कोरोना ।
तँभन्दा नि खतरा छन् देश खाने घराना ।
लाहुरेको कमाइखाने सहरका दरबार ।
गरिबको उठिबास कोरोना र दरबार ।
गरिबका नारा लाउँदै कमाउनेका दरबार ।
गरिबका गीत गाउँदै सर्वहारा नमार ।
कोरोनाले सताउने थोरै दिनका लागि होला ।
ओखतीले कोरोनालाई संसारबाट धपाउँला ।
कोरोनाको कहरभन्दा गरिब चुस्ने कहर चर्को ।
कोरोना त हराउँला पठाउँछन् रोग अर्को ।
घरानाको टुटफुटले सही बाटो रोकिँदैन ।
घरानाको एकता र झुटको जालमा परिँदैन ।
कैले होला लाहुरेको लाहुर जाने प्रथा टुट्ने ।
यो देशका जनताले यही देशमा रमाउने ।
घरानाका घरआँगनमा क्रान्ति माग्न नजाने ।
गरिबको नारा लाउँदै ठग्ने नेता नमान्ने ।
कोरोना त हराइजाला यी हराउने कैले होला ।
घरानाको मोजमस्ती नभाको दिन कैले आउँला
हाम्लाई केको कर छ र यी घराना पाल्नलाई ।
विदेशमा जीवन घोटी यी घराना पाल्नलाई ।
कमाएका हाम्रै हुन यि घराना बस्ने घर ।
हाम्रा घर खोसी बस्न किन मान्ने डर ।
हाम्रो कमाइ पसिना हुन घरानाका घर ।
हाम्रै हुन क्रान्तिकारी नेता बस्ने घर ।
कोरोनाले गरिब मा¥यो अति दुःख लाग्छ ।
घरानाका घर देख्दा जुर्मुराऊँ लाग्छ ।
घरानाका घरहरू अस्पताल बनाउने ।
कोरोनाको कहरबाट गरिबलाई बचाउने ।
गरिबलाई अस्पताल घरानाले दिएनन् ।
क्रान्तिकारी ठेकेदारले गरिब मर्दा हरेनन् ।
लाहुरेको लौरो दरो घरानालाई धपाउने ।
घरानाका घरहरू अस्पताल बनाउने ।
मानिसको रोग किनबेच गर्ने दुष्ट पसले ।
पसलेलाइ पाल्ने नीति घरानाले बसाले ।
सहिदको खेती भयो देश बनाउने नारामा ।
क्रान्ति लगी बुझाइयो घरानाका दरबारमा ।
घरानाको शासनलाई गरिबले पालेका ।
क्रान्तिकारी ठेकदारले दिनु धोका दिएका ।
कोरोनाको कहरमा अस्पताल बनेनन् ।
गरिबले उपचार गर्न पाएनन् ।
सहरको विलासमा क्रान्तिकारी ठेक्दार ।
कोरोनाको कहरबाट गरिब नमार ।
क्रान्तिकारी ठेकेदारका घर गरिबका जाँगर ।
जाँगरबाट बनेका घर ठेक्दारहरू निखार ।
पाल्नुपर्ने हैन ठेक्दार फाल्नुपर्ने हुन् ।
पाल्ने हैन फाल्नुपर्छ यी अन्नका घुन ।
क्रान्तिकारी ठेक्दारका घरलाई बनाऊँ अस्पताल
कहरमा छोड घर आँसु नखसाल ।
घरानाको क्रान्ति नेता गरिबको हुँदैन ।
विज्ञप्तिको रुवाइले कहर जाँदैन ।
सुतिखाने सरकार आए गरिबका पसिना ।
कुराबाट पूरा हुन्न देशको चाहना ।
सत्ताबाट फन्किनेलाई अब थन्को लगाउने ।
देश बिर्गान सत्ता खोज्ने दुष्ट निर्खाने ।
विदेशीका अस्पतालमा उपचार गराउने ।
दुष्टहरू विलासमा हाम्ले कमाउने ।
कोरोनाको कहरमा गरिबदुःखी मारिए ।
घरानाका घरबाट आँसु झरिए ।
उपचार खै त हाम्लाई अस्पताल कहाँ छन् ।
रोग किनबेच गर्ने पसल मोटा चिल्ला छन् ।
