केपी विरही, दुबई ।।
युएई नेपाली एकता समाजले समाजकी केन्द्रीय सदस्य तथा महिला विभागकी केन्द्रीय उपाध्यक्ष सावित्रा एमसीकी बुबा मोहनसिंह महतराको निधन भएकोमा भावपूर्ण श्रद्धाञ्जली तथा शोकसन्तप्त परिवारप्रति समवेदना प्रकट गरेको छ ।
समाजका का.वा. अध्यक्ष दिनेश थापाले २०७८ जेठ ५ गते शोकवक्तव्य जारी गर्दै श्रद्धाञ्जली तथा समवेदना प्रकट गरिएको हो ।
शोकवक्तव्यमा भनिएको छ–
“युएई नेपाली एकता समाज केन्द्रीय सदस्य तथा महिला विभाग केन्द्रीय उपाध्यक्ष प्युठान जिल्ला झिमरुक गाउँपालिका–२ खहरे निवासी सावित्रा एमसीकी बुबा मोहनसिंह महतराको वर्ष ७० को असामयिक निधनको हृदयविदारक खबरले सिङ्गो युएई नेपाली एकता समाज परिवार स्तब्ध भएको छ । यो दुःखद घटनाप्रति गहिरो दुख व्यक्त गर्दै र मृतकप्रति भावपूर्ण श्रद्धाञ्जली तथा शोकसन्तप्त परिवारप्रति हार्दिक समवेदना प्रकट गर्दछौँ ।”
