दुर्ग थापा, बरेङ ।
अखिल नेपाल युवक संघ बरेङको पालिका स्तरिय भेला तथा प्रशिक्षण कार्यक्रम सम्पन्न भएको छ । आज एक कार्यक्रमबिच सो भेला बरेङ गाँउपालिका–२ को सिग्दिमा सम्पन्न भएको हो ।
कार्यक्रमको प्रमुख अतिथि अखिल नेपाल युवक संघ गण्डकी प्रदेशका सचिव सञ्जाल शर्माले अहिले सम्म कुनै पनि सरकारले युवाहरुको समस्या समाधानको लागि गम्भीर भएर काम नगरेकाले उनिहरु बिदेशीन बाध्य भएको बताउनु भयो । उहाँले प्रमुख भनिने दलहरुले युवाहरूलाई सक्ता प्राप्त गर्ने भर्याङ मात्र बनाएको आरोप लागाउनुभयो । मन्तव्य कै क्रममा उहाँले राष्ट्रियता, जनतन्त्र र जनजिविका संगै युवाको हक अधिकार प्राप्तिकोलागि आन्दोलित हुन समेत आग्रह गर्दै युवाहरूलाई स्वरोजगार हुन उध्यमशिलतामा ध्यान दिनु पर्ने कुरामा जोड दिनु भयो।
यस्तै बरेङ गाउँपालिका अध्यक्ष कृष्ण प्रसाद शर्माले समाज परिवर्तन तथा देश विकासको लागि युवाहरुको महत्वपूर्ण भूमिकाहुने बताउनु भयो । उहाँले युवाहरुको हकहित तथा क्षमता विकाशको लागि निरन्तर लागिरहेको संगठन अखिल नेपाल युवक संघ मात्र रहेको भन्दै यस संगठनमा आबद्ध हुन आग्रह गर्नुभएको थियो ।
कार्यक्रममा बरेङ गाउँपालिकाकी उपाध्यक्ष दिलकुमारी पुन, अखिल नेपाल जनजाति सम्मेलनका केन्द्रीय सदस्य तिलक गाहा,राष्ट्रिय जनमोर्चा गुल्मी जिल्ला सदस्य तथा बरेङ गाउँपालिकाका प्रवक्ता नरबहादुर विक, सिग्दि सामुदायिक होमस्टेका अध्यक्ष हिरा बहादुर पुन,शिक्षक संघका प्रतिनिधि प्रशान्त शर्मा, लगाएतले सम्बोधन गर्नुभएको थियो ।
युवक संघ बरेङका अध्यक्ष दुर्गा बहादुर थापाको अध्यक्षता,सदस्य कृष्ण प्रसाद शर्माको स्वागत मन्तब्य र सदस्य तुफान पुनको सञ्चालनमा सम्पन्न भएको थियो ।
सोहि भेलाले प्रेम थापाको अध्यक्षतामा ११ पूर्ण र ४ वैकल्पिक सहित १५ सदस्यिय अखिल नेपाल युवक संघ बरेङ गाउँपालिका स्तरिय समिति गठन गरेको छ ।
जसको उपाध्यक्षमा विष्णु श्रीष, सचिव तुफान पुन,सह सचिव प्रेम बहादुर थापा र कोषाध्यक्ष मन बहादुर थापा रहनु भएको छ ।
सदस्यहरुमा हेमन्त खत्री, कमल थापा,पूजन आचार्य, झम बहादुर सुनार ,र कृष्ण प्रसाद शर्मा रहनु भएको छ भने हाललाई एक स्थान रिक्त राखिएको छ ।
यस्तै वैकल्पिक सदस्यहरुमा सुष्मी पुन,विष्णु सुनार, कमल परियार र राधिका गौतम हुनुहुन्छ भने दुर्गा बहादुर थापा,कुल बहादुर खत्री, सन्तोष पोखरेल,गोविन्द श्रीस र धनिश्वर शर्मा सदस्य रहेको सल्लाहकार समिति चयन गरेको छ ।
