कमल पौडेल, प्युठान ।
अखिल नेपाल युवक संघ झिम्रुक गाउँपालिका स्तरीय वनभोज कार्यक्रम आयोजना गरिएको छ । शनिबार झिम्रुक– ५ स्थित सुन्दर पर्यटकीय क्षेत्र ढाड रकगार्डेनमा वनभोज कार्यक्रम गरिएको हो ।
कार्यक्रममा झिम्रुक गाउँपालिकाको ८ वटै वडाबाट युवाहरू उपस्थित थिए । त्यस क्रममा आयोजित कार्यक्रममा विभिन्न जनवर्गीय संगठनका नेताहरुले शुभकामना दिएका थिए ।
अखिल नेपाल युवक संघ झिम्रुकका अध्यक्ष भरत ढकालको अध्यक्षता तथा राजमो लुम्बिनी प्रदेश अध्यक्ष बोमबहादुर खत्रीको प्रमुख आतिथ्यतामा कार्यक्रम सम्पन्न भएको थियो ।
कार्यक्रममा युवक संघका केन्द्रीय सदस्य हुमलाल नेपाली र खगा राना, प्युठान जिल्लाका काबा अध्यक्ष कमल पौडेल, अखिल नेपाल किसान संघका केन्द्रीय सचीव वीरबहादुर जिसि, जिम्रुक गाउँपालिकाका अध्यक्ष तिलक जिसि, वडा अध्यक्षहरु सिताराम पोख्रेल, टिकाबहादुर जिसि, निमानसिंह जिसि, मीनबहादुर केसी, प्रगतिशील प्रत्रकार संघ जिल्ला समिति प्युठानका सचिव लोकेन्द्र सुनार, अखिल नेपाल शिक्षक संघ प्युठानका सचिव डम्बर जिसि, राजमो जिल्ला सदस्य सिद्दिमान जिसिले शुभकामना दिनुभएको थियो ।
कार्यक्रममा रक्तिम सांस्कृतिक अभियानका कलाकारहरुले विभिनन जनवादी गीत तथा नृत्य प्रस्तुत गरेका थिए । कार्यक्रमको सन्चालन युवक संघ झिम्रुकका सचिव अर्जुन केसीले गर्नुभएको थियो ।
