काठमाडौं । चैत २५ गते भएको नेपाल पत्रकार महासंघको निर्वाचनमा प्रगतिशील पत्रकार संघका थप पाँच जनाले विजय प्राप्त गरेका छन् । प्राप्त पछिल्लो विवरण अनुसार बाँकेबाट चार र काठमाडौंबाट थप एक जनाले निर्वाचन जितेका हुन् ।
बाँकेमा शुक्रबार बिहान सकिएको मतगणना अन्तर्गत केन्द्रीय परिषद सदस्यमा तिलक गाउँले, लुम्बिनी प्रदेश परिषद सदस्यमा केशव शाही, महासंघको जिल्ला कोषाध्यक्षमा बिनोद पौडेल र सदस्यमा शंकर लामिछाने विजय भएको युगदर्शन सम्वाददाता शंकरप्रसाद पोखरेलले जानकारी दिनुभएको छ ।
यता, काठमाडौं जिल्ला शाखा सदस्यमा प्रगतिशीलको तर्फबाट शोभा नेपाली विजयी हुनुभएको छ ।
महासंघको निर्वाचनमा प्रगतिशील पत्रकार संघले देशैभरीबाट उत्साहजनक मत परिणाम ल्याएको छ । कैयौं जिल्लाका नेतृत्वदायी पदमा प्रगतिशीलका सदस्यहरुले विजय हासिल गरेका छन् ।
यो पनि….
युगदर्शनकर्मी महेश रिजाल लुम्बिनी प्रदेश परिषदमा विजयी
उपत्यका प्रदेश समितिको खुल्ला सदस्यमा घनश्याम अधिकारी (वैरागी जेठा)
प्रगतिशीलको विजय अभियान : लुम्बिनी प्रदेशमा पोखरेल र कर्णालीमा शाही विजयी
पत्रकार महासंघको निर्वाचनः प्रगतिशील पत्रकार संघको उत्साहजनक परिणाम
