काठमाडौं । बुधबार सम्पन्न नेपाल पत्रकार महासंघको निर्वाचनमा प्रगतिशील पत्रकार संघका सदस्यहरुले उत्साहजनक मत परिणाम ल्याएका छन् । बागलुङ, प्युठान, अर्घाखाँची, रुपन्देही, कपिलवस्तु लगायतका जिल्लामा प्रगतिशीलका उम्मेदवारहरु विजयी भएका छन् ।
मतगणना जारी रहँदा केन्द्र, प्रदेश र काठमाडौंसहित कतिपय जिल्लामा प्रगतिशीलका उम्मेदवार अगाडि रहेको विवरणहरु प्राप्त भएका छन् ।
प्राप्त परिणाम अनुसार बागलुङमा महासंघको जिल्ला सचिवसहित तीन जना विजयी भएका छन् । महासंघको सचिवमा विजय राना, सदस्यमा प्रशान्त घिमिरे र सन्ध्या आचार्य तथा केन्द्रीय परिषद सदस्यमा किरण आचार्य विजयी हुनुभएको छ ।
गुल्मीबाट युगदर्शन सम्वाददाता शंकरप्रसाद पोखरेलले दिनुभएको जानकारी अनुसार प्युठानमा प्रगतिशीलका जिल्ला अध्यक्ष प्रज्वल पहाडी महासंघको कोषाध्यक्षमा निर्वाचित हुनुभएको छ । यस्तै, सदस्यमा लोकेन्द्र सुनार र प्रदेश परिषद सदस्यमा जुमानसिंह केसी निर्वाचित हुनुभएको छ ।
यता, प्रगतिशील पत्रकार संघका लुम्बिनी प्रदेश संयोजक मोहन बेलवासे महासंघ कपिलवस्तुको कोषाध्यक्षमा निर्वाचित हुनुभएको छ भने सिर्जना खनाल महिला सदस्यमा विजयी हुनुभएको छ । यस्तै, केरसिहं अदै र सितल आचार्य प्रदेश परिषद सदस्यमा विजयी हुनुभएको छ भने शशीधर सापकोटा केन्द्रीय परिषद सदस्यमा विजयी हुनुभएको छ ।
कपिलवस्तुमै नारायण भट्टराईले सबैभन्दा बढी भोटका साथ जिल्ला सदस्यमा विजयी हुनुभएको छ ।
रुपन्देहीमा वीरेन्द्र कुँवर सहसचिवमा विजयी हुनुभएको छ ।
यता, अर्घाखाँचीमा जिल्ला सचवमा विनोद गैरे, महिला उपाध्यक्षमा भगवता पाण्डे तथा सदस्यमा जितेन्द्र खत्री र गोपाल भट्टराईले निर्वाचन जित्नुभएको छ ।
काठमाडौंमा अगाडि
यता, देशको राजधनी शहर रहेको काठमाडौं जिल्लामा पनि प्रगतिशीलका उम्मेदवार अगाडि रहेका छन् । प्रगतिशील पत्रकार संघका केन्द्रीय सदस्य गोपाल बराइलीले दिनुभएको जानकारी अनुसार काठमाडौंको दलित सदस्यमा शोभा नेपालीले लिड गरिरहनुभएको छ । उहाँको जित निश्चित जस्तै छ ।
यसैगरी काठमाडौं, ललितपुर र भक्तपुर जिल्ला समेटिएको उपत्यका प्रदेश सदस्यमा घनश्याम अधिकारी (वैरागी जेठा) अगाडी हुुनुहुन्छ ।
यता, बागलुङमा जारी गण्डकी प्रदेश परिषद सदस्यको मत गणना अनुार तारा प्रसाद शर्मा, प्रकाश छन्त्याल र लोकेन्द्र सुनारले लिड गरिरहनुभएको छ ।
यसैगरी महासंघ दाङमा पनि प्रगतिशीलका दुई सदस्यले अग्रता लिएका छन् भने बाँकेबाट केन्द्रीय सदस्यमा प्रगतिशीलकै तीन जना अगाडि छन् ।
साझा समावेशी प्यानलबाट केन्द्रमा समावेशी उपाध्यक्षमा उम्मेदवारी दिएका प्रगतिशीलका अध्यक्ष उदय जिएम देशैभरीको मतपरिणाम अनुसार अगाडी रहनुभएको छ ।
प्रगतिशीलका केन्द्रीय सदस्य पहाडी महासंघ प्युठानको कोषाध्यक्षमा निर्विरोध
