तिलक थापा, बागलुङ ।
बागलुङको बडिगाड गाउँपालिका वडा नं ४ जलजलामा राष्ट्रिय जनमोर्चाको भेला सम्पन्न भएको छ । राजमोको यही चैत २४ देखि बुटवलमा हुन गइरहेको चौथो राष्ट्रिय सम्मेलनको पूर्वसन्ध्यामा सो भेला आयोजना गरिएको हो ।

भेलाले विमल श्रीसको अध्यक्षता ९ पूर्ण, २ वैकल्पिक र ३ सल्लाहकार रहेको राष्ट्रिय जनमोर्चा वडा समिति जलजला चयन गरेको छ ।

जसको उपाध्यक्षमा नरबहादुर विक, सचिव शेरबहादुर श्रीस, सहसचिव बेलम रेश्मी, कोषाध्यक्ष शान्ती पुन तथा सदस्यहरुमा शिवराज बुढाथोकी, उमा रेश्मी, अनिता थापा, धनबहादुर पुन वैकल्पिक सदस्यहरु दिलबहादुर दर्लामी, महेश सिञ्जाली, सल्लाहकारमा तोपबहादुर श्रीस, गम्बरबहादुर श्रीस र तारा पुन रहनु भएको छ ।

कार्यक्रम नेकपा (मसाल) बागलुङका प्रवक्ता मेकबहादुर पाईजाको बिशेष उपस्थितिमा भएको थियो ।