कमल पौडेल, प्युठान ।
अखिल नेपाल जनजाति सम्मेलन प्युठान जिल्ला अधिबेशन बुधबार बिजुवारमा सम्पन्न भएको छ । सम्मेलनका केन्द्रीय अध्यक्ष निमबहादुर बुढाथोकीको प्रमुख आतिथ्यतामा सम्पन्न भेलामा राष्ट्रिय जनमोर्चा लुम्बिनी प्रदेश अध्यक्ष बोमबहादुर खत्रीको विशेष आतिथ्यता रहेको थियो ।
भेलाले अमरध्वज रानाको अध्यक्षतामा १५ सदस्यीय जिल्ला समिति चयन गरेको छ । समितिको उपाध्यक्षमा घनप्रसाद घर्ती, सचिव घनबहादुर घर्ती, कोषाध्यक्षमा अर्जुन थापा र सहसचिवमा सीता पुन चयन हुनुभएको छ ।
सदस्यहरुमा हुमबहादुर राजकोटी, हेमन्त थापा, यामबहादुर पुन, प्रतिमान पुन, बुद्धबहादुर पुन, सिताराम थापा, छबिलाल शिरिष, केसब घर्ती मगर, यामबहादुर राना र नवराज राना रहनु भएको छ ।
कार्यक्रममा विभिन्न जनवर्गीय संगठनका नेताहरुको उपस्थिति रहेको थियो । चन्द्रबहादुर रानाको अध्यक्षता तथा घनप्रसाद घर्ती मगरको सञ्चालनमा कार्यक्रम सम्पन्न भएको थियो ।
