सक्तमान बुढाथोकी, हङकङ ।
हङकङ नेपाली एकता समाजले हङकङमा कार्यरत नेपालीहरुलाई संगठित पार्ने अभियान सुरु गरेको छ । समाजले शनिबार एक कार्यक्रमको आयोजना गरी सदस्यता अभियान सुरु गरेको हो ।
हङकङ नेपाली एकता समाजका अध्यक्ष सक्तमान बुढाथोकीको अध्यक्षतमा सम्पन्न कार्यक्रमको सञ्चालन समाजका महासचिव ज्ञामुराम आचार्य र स्वागत उपाध्यक्ष अमृता रानाले गर्नु भएको थियो ।
कार्यक्रममा हङकङ नेपाली एकता समाजका सचिव यमनारायण सापकोटा र समाजका सल्लाहकार सदस्य सुक्रराज घिमिरेले पनि देशको समसामयिक विषय र विदेशस्थिति नेपालीहरुको हकहितको विषयमा मन्तव्य राख्नुभएको थियो ।
सो क्रममा अध्यक्ष बुढाथोकीले नेपालमा संघीयता बोभिलो र अनावश्यक थोपरिएको भन्दै खारेजीको माग गर्नुभयो । हङकङ नेपाली एकता समाजले देशमा हुने राजनीति घटनाक्रमको गहिरो चासो र चिन्ता लिएको उहाँले बताउनुभयो ।
नेपालमा सही विचार बोकेको पार्टी राष्ट्रिय जनमोर्चाका विश्लेषणहरु सही सवित हुँदै गएको भन्दै उहाँले देश तथा प्रवासमा बस्ने नेपालीहरुले देश र जनताको पक्षमा सही राजनीति गर्ने संगठन चिन्नुपर्ने बताउनुभयो ।
कार्यक्रममा हिमाल बुढाथोकी, शेरबहादुर पुन, मिना पुन, प्रेम कुंवर, उमा थापा, जसिन्ता राना, रनसरा बुढाथोकी, गिरीप्रसाद पुन, सूर्य थापालगायत नेता कार्यकर्ताहरुको उपस्थिति रहेको थियो ।
