खिमराज चालिसे, चंडिगढ ।
मूल प्रवाह अखिल भारत नेपाली एकता समाज चंडिगढ नगर समितिका सदस्य एवम् इन्डस्ट्रीयल एरियाका अध्यक्ष शमशेर केसी सम्मानित हुनुभएको छ । मूल प्रवाह चंडिगढ नगर समितिद्वारा संचालित इन्डस्ट्रीयल एरिया समितिको आयोजनामा केसीलाई बिहीबार सम्मान गरिएको हो ।
उहाँ पंजाबको चंडिगढ स्थित इन्डस्ट्रीयल एरिया अन्तर्गत सेक्टर २८ मा बसोवास गर्दै गल्फक्लबमा २५ वर्ष काम ्गरि स्वैच्छिक सेवानिवृत भएसँगै प्रवासबाट विदा भएर स्वदेश फर्कंदै हुनुहुन्छ ।
केसी १९९१ मा फरिदावादबाट एकता समाजको सदस्यता लिए पनि १९९५ मा चंडिगढको किसनगढ टोल समितिमा आवद्ब भइ निरन्तर क्रियाशील रहँदै हाल नगरसमितीको सदस्य, इन्डस्ट्रीयल एरिया समिति अध्यक्ष तथा नगर खेल विभागको कोषाध्यक्षलगायत विभिन्न जिम्मेवारी बहन गर्दै आउनुभएको थियो ।
केसीलाई मूल प्रवाह केन्द्रीय सदस्य दिनेश खड्का, केन्द्रीय सल्लाहकार एवम् नेपाली समाचारका संयोजक खिमराज चालिसे र क्षत्रीय समितिकी जुना चालिसेले संयुक्तरुपमा एरिया समितिको स्मृति चिन्ह प्रदान गर्नुभएको थियो । कार्यक्रममा नगर अध्यक्ष मानबहादुर केसी र सचिव तेजबहादुर रोकाले सम्मान पत्र प्रदान गर्नुभयो ।
कार्यक्रममा मूल प्रवाहका केन्द्रीय सदस्य दिनेश खडका, केन्द्रीय सल्लाहकार तथा नेपाली समाचारका संयोजक खिमराज चालिसे, मूलप्रवाह क्षत्रीय सल्लाहकार एवम् महिला क्षत्रीय सचिव जुना चालिसे, सदस्य सिमा खडका, मूल प्रवाह नगर अध्यक्ष मानबहादुर केसी, सचिव तेज बहादुर रोका, एरिया समितिका विष्णु अर्याल, लक्ष्मी अधिकारी, रुद्र अधिकारी, डासीराम अर्याल, तारा ज्ञावली, दिपक चालिसे लगाएतले केसीको योगदानबारे चर्चा गर्नुभएको थियो ।
सरस्वता भुसालको अध्यक्षता तथा थानेश्वर पाण्डेको सञ्चालनमा सम्पन्न कार्यक्रममा नगर समितिका सीमा खडकाले स्वागत गर्नुभएको थियो ।
यो पनि मूल प्रवाह चंडिगढ नगर सदस्य शमशेर केसीको विदाइ
