रितु केसी

संसार बदल्ने ती तिम्रा लक्षहरु
समाज बदल्ने ती तिम्रा साहसहरु
जन्जिर तोडेर क्षितिजको लक्ष्य भेट्न जाने ती तिम्रा अठोटहरु
यो समाजको परिबन्दनले पर्दा भित्र दबाइराख्दा पनी
फलामे सिक्रीहरु तोडेर
कुरीतिहरु फाल्न अगाडि बढ्ने तिम्रा अदम्य आँटहरु
तिमीलाई सलाम छ नारी

तिमी सिर्जना हौ
तिमी सृस्टी हौ
तिमी ममता हौ
तिमी साहस हौ
तिमी हिम्मत हौ
तिमी बिद्रोह हौ

तिमि नारी भएर जन्मेकै भरमा
तिमिले जीवनभर भोग्नुपर्ने दासत्व तोड्न
यो समाजका कुसंस्कारहरुलाई उखेल्न
उचोनीचो, छुवाछुत धनी गरिबको खाडल पुर्न
अब त जाग्नु पर्छ
अब त सचेत हुनै पर्छ
अब त एकजुट हुनै पर्छ

किनकी
तिमी बिना कुनै सिर्जना हुन्न
तिमी बिना कुनै परिवर्तन हुन्न
तिमी बिना कुनै क्रान्ति हुन्न
तिमी नै परिवर्तनको बाहक हौ
तिमी सबथोक हौ
तिमी महान हौ नारी
तिमी क्रान्तिको ज्वाला हौ
तिमी सबथोक हौ

चुलो, चौको, मेला, गोठ
पधेरो, मेला पर्म
घाँस, दाउरा, भाँडा बर्तन
यत्ती मात्र होइन तिम्रो परिचय
उठ, जाग, अगाडि बढ
तिम्रो अधिकार आफैँ खोज
तिम्रो स्वाभिमान आफैँ निर्माण गर
ऐँजेरु उखेल्ने आँट गर
पर्खाल भत्काउने साहस गर

किनकी
यो धर्ति तिम्रो पनि हो
यो आकास तिम्रो पनि हो
तिमि आफैँ स्वाभिमानी बन
तिमि आफैँ स्वाबलम्बी बन
तिमि आफैँ क्रान्तिको हुँकार बन
तिमि आफैँ परिवर्तनको सम्बाहक बन
आफ्नो अधिकार बुझ, मनन गर, अनि अगाडि बढ
परिवर्तनको यो बाटोमा आफू जस्तै
लाखौं मुक्तिकामी योद्दाहरुलाई जोड
किनकी यो लडाईं तिम्रो आफ्नै मुक्तिको लडाईं हो
यो लडाईं तिमि, म, ऊ जस्तै लाखौं लाखको हो
विजय अवस्यभाबी छ, यो लडाईंमा थाक्दै नथाक ।