सन्जाल शर्मा, बागलुङ ।
अखिल नेपाल राष्ट्रिय स्वतन्त्र विद्यार्थी युनियन (छैठौं) जैमिनी नगरको भेला राङखानीमा सम्पन्न भएको छ । शनिबार सम्पन्न भेलाले अर्जुन नेपालीको अध्यक्षतामा नगर समिति चयन गरिएको छ ।
११ पूर्ण र ४ वैकल्पिकसहित १५ सदस्यीय नगर समितिको उपाध्यक्ष योगेश आचार्य, सचिव पूर्णिमा थापा, सहसचिव दुर्गा शर्मा, कोषाध्यक्ष ग्रीस्मा परियार र सदस्यहरु सम्झना शर्मा, नवीन थापा, सुमन शर्मा, झपिन्द्र थापा, आसिका सुनार, राधा नेपाली रहनुभएको छ भने वैकल्पिक सदस्यमा कुशुम शर्मा, अङ्कित रुचाल, प्रतिमा गिरी, मुना थापा रहनु भएको छ ।
भेलाको उद्घाटन गर्दै अखिल (छैठौं)का केन्द्रीय सल्लाहकार भिमलाल पोखरेलले अहिलेको शिक्षा महंगो र अवैज्ञानिक भएको बताउँदै अखिल (छैठौं)ले समान शिक्षा र व्यवहारिक शिक्षाको निम्ति निरन्तर आन्दोलन गर्नु पर्ने बताउनुभयो । सत्तारूढ दलले जनताका समस्या समाधान गरि समृद्ध देश निर्माण गर्ला भन्ने एकादेशको कथा जस्तो भएको बताउँदै व्यक्तिगत झगडाका कारण देशलाई झन् झन् अस्थिरतातिर धकेलेको आरोप लगाउनु भयो ।
कार्यक्रमलाई सम्बोधन गर्दै राष्ट्रिय जनमोर्चाका जिल्ला सदस्य डिल बहादुर श्रीसले राष्ट्रियता, जनतन्त्र र जनजीकाका लागि सदैब जनतासँगै रहेको बताउँदै अखिल (छैठौं)ले समेत त्यसप्रकारको आन्दोलनमा सहयोगी भूमिका खेल्नुपर्ने बताउनु भयो ।
त्यसैगरी भेला सफलताको शुभकामना दिँदै युवक संघका प्रदेश सचिव सन्जाल शर्माले नेपालको शिक्षा नीतिका कारण युवाहरु बेरोजगारको समस्यामा जेलिएको बताउँदै उहाँले जनतासँग प्रत्यक्ष जोडिने शिक्षा नीतिको लागि आन्दोलित हुन आग्रह गर्नु भयो।
अखिल (छैठौं) का जिल्ला सचिव दिपेन्द्र पौडेलले अखिल (छठौं)ले प्रत्येक विद्यालयमा अखिल (छैठौं)को समिति निर्माण गर्दै अगाडि बढ्न आवस्यक रहेको बताउनु भयो ।
भेलाको सन्दर्भमा नमूना कृषि फमका सञ्चालक तथा राष्ट्रिय जनमोर्चाका स्थानीय नेता केदार आचार्यले व्यवहारिक शिक्षा र उद्दमशिलताबारे विद्यार्थीहरुलाई प्रत्यक्ष कृषि फर्ममा अनुगमन गराउनु भएको थियो ।
अखिल (छैठौं)का नगर सदस्य झपिन्द्र थापाको अध्यक्षतामा भएको कार्यक्रमको स्वागत नगर सदस्य रेखा शर्माले गर्नु भएको थियो भने सञ्चालन ग्रीस्मा परियारले गर्नु भएको थियो ।
