काठमाडौँ । सरकारले नेत्रविक्रम चन्द नेतृत्वको नेकपासँग वार्ता गर्न दुई सदस्यीय टोली गठन गरेको छ ।
Advertisement
वार्ताको माध्यमबाट नै समस्या समाधान गर्ने नेपाल सरकारको निर्णय रहेको दावी गर्दै आज २०७७ फागुन १८ गते दुई सदस्यीय वार्ता टोली आज गठन गरिएको हो ।
वार्ता टोली गृहमन्त्री रामबहादुर थापाका संयोजकत्वमा प्रधानमन्त्रीका परराष्ट्र सल्लाहकार डा. राजन भट्टराई सदस्य रहेको बनाइएको छ ।
नेपाल सरकारका प्रवक्ता एवम् सञ्चार तथा सूचना प्रविधिमन्त्री पार्वत गुरुङले केही बेरअघि जारी गर्नुभएको प्रेस विज्ञप्तिमा वार्ताटोली गठन गरिएको जनाइएको हो ।
