खिमराज चालिसे, चंडिगढ ।
मूल प्रवाह अखिल भारत नेपाली एकता समाज चंडिगढ नगर समितीद्वारा संचालित इन्डस्ट्रियल एरिया समितिको आयोजनामा प्रशिक्षण कार्यक्रम सम्पन्न भएको छ। एरिया समितिको मासिक रुपमा नियमित कार्यक्रम अन्तर्गत प्रशिक्षणको आयोजना गरिएको हो ।

केन्द्रीय सल्लाहकार एवम् युगदर्शन सम्वाददाता खिमराज चालिसेले संगठनात्मक पद्धति लगायत विभिन्न विषयमा प्रशिक्षण दिनुभएको थियो ।

मूल प्रवाहका केन्द्रीय सदस्य दिनेश खडकाले भेला सफलताको शुभकामना दिनु भएको थियो भने महिला क्षेत्रीय विभागकी सचिव जुना चालिसेको पनि आतिथ्यता रहेको थियो ।

एरिया सदस्य डासीराम अर्यालको सञ्चालनमा तथा अध्यक्ष शमशेर केसीको अध्यक्षतामा सम्पन्न कार्यक्रममा सदस्य लक्ष्मी अधिकारीले स्वागत गर्नुभएको थियो ।