खिमराज चालिसे, चंडिगढ
मूल प्रवाह अखिल भारत नेपाली एकता समाज पूर्वोत्तर क्षेत्रीय समितिद्वारा संचालित जोवाइ नगरसमितिको भेला भव्यरुपमा सम्पन्न भएको छ । कार्यक्रमको उद्घाटन मूल प्रवाहका केन्द्रीय उपाध्यक्ष कपिल खनाल गर्नुभयो ।
भेलालाई सम्वोधन गर्दै उपाध्यक्ष खनालले ठूलो संख्यामा नेपालीहरु पूर्वोत्तर क्षेत्रका विकट स्थानमा काम गरिरहेको बताउँदै नेपालीहरुले कार्यस्थलमै ज्यान गुमाउनपर्ने बाध्यता रहेको उल्लेख गर्नुभयो । उहाँले नेपालीहरु प्रति अपनाइने भेदभावका विरुद्ध एकत्रित, संगठित भएर आफ्ना हक अधिकारको रक्षा गर्न आग्रह गर्नुभयो ।
फरक प्रशंगमा उहाँले देशमा प्रतिगामी तत्वहरु सलबलाइ रहेको तथा राष्ट्रियता र धर्मनिरपेक्षता संकटमा परिरहेको भन्दै सत्तासिन दलहरुको अदूरदर्शिताले महंगाइ , भष्ट्राचार र बेरोज़गार बढेको आरोप लगाउनुभयो । खनालले जनताले आफ्नो गास काटेर संघीयता नामको सेतो हात्ती पाल्न बाध्य नहुने चेतावनी पनि दिनुभयो ।
यसै गरि केन्द्रीय सल्लाहकार अमित केसीले पूर्वोत्तरका विभिन्न समस्याहरु बारे धारणा राख्नुभएको थियो । कार्यक्रममा क्षेत्रीय सदस्य मधु शर्मा, नगर सदस्य तुलबहादुर क्षेत्री, देनु अधिकारी, नगरका गोपीराम सुनार, माया मिजार , हर्कबहादुर सुनार, विद्यार्थी संगठनका विष्णु सुवेदी, लगाएतले मन्तव्य राख्नुभएको थियो ।
अर्जुन खनालको संचालन तथा सालिकराम सुवेदीको अध्यक्षतामा सम्पन्न भेलामा माया पाण्डेले स्वागत गर्नुभएको थियो ।
