बुटवल । रूपन्देही जिल्लाअन्तर्गत देवदह नगरपालिका–८ विशालनगरमा राष्ट्रिय जनमोर्चाको आयोजना प्रशिक्षणात्मक भेला सम्पन्न भएको छ ।
राष्ट्रिय जनमोर्चाका नेता बासुदेव पोखरेलले प्रशिक्षण दिनुभएपछि राष्ट्रिय जनमोर्चा देवदह नगरपालिकाअन्तर्गत वडा नम्बर ८ मा भारत गुरुङको अध्यक्षतामा सात सदस्यीय समिति गठन गरिएको छ; जसमा उपाध्यक्ष भुवन थापा, सचिव सुनिता मल्ल, उपसचिव चित्रबहादुर रम्जाली, कोषाध्यक्ष मीना पुलामी, सदस्य जितबहादुर थापा, यमबहादुर थापा थापा तथा सल्लाहकार तेजबहादुर थापा, तारा थापा र बगवीर थापा रहनुभएको छ ।
भेलामा कम्युनिस्ट सङ्ग्रहालय नेपालका अध्यक्ष चेतनाथ आचार्य, राष्ट्रिय जनमोर्चा रूपन्देहीका जिल्ला सल्लाहकार पुरुषोत्तम कँडेल, राष्ट्रिय जनमोर्चा देवदह नगरपालिकाका अध्यक्ष हरि केसीको पनि आतिथ्यता थियो भने कार्यकाल सफलताको शुभकामना व्यक्त कम्युनिस्ट सङ्ग्रहालय नेपालका अध्यक्ष चेतनाथ आचार्यले दिनुभएको थियो ।
धनु पाण्डेको सञ्चालनमा सुरु भएको भेलाको अध्यक्षता तेजबहादुर थापाले गर्नुभएको थियो भने स्वागत जामुनेध्वज मल्लले गरेका थिए ।
