शंकर प्रसाद पोख्रेल/तम्घास ।।
रेसुङ्गा नगरपालिकाको वडा नम्बर ११ मा राष्ट्रिय जनमोर्चाले ओली सरकारको असंवैधानिक कदमको विरुद्धमा विरोधसभा सम्पन्न गरेको छ ।
कार्यक्रमको प्रमुख अतिथि राष्ट्रिय जनमोर्चाका जिल्ला सचिव छविलाल सर्तुङ्गी हुनुहुन्थ्यो भने विशिष्ट अतिथि राष्ट्रिय जनमोर्चाका जिल्लाध्यक्ष जीवन राना हुनुहुन्थ्यो ।
प्रमुख अतिथिबाट बोल्दै छबिलाल सर्तुङ्गीले केपी ओलीले चालेको कदम असंवैधानिक भएकोले संसद पुनःस्थापना हुनुपर्नेमा जोड दिनुभयो । साथै उहाँले देश र जनताको पक्षमा बोल्ने पार्टी राष्ट्रिय जनमोर्चा भएकोले सबै जनताले राष्ट्रिय जनमोर्चा झन्डामुनि गोलबन्द हुन आग्रह गर्नुभएको थियो ।
त्यस्तै अन्य अतिथिहरूमा राष्ट्रिय जनमोर्चा जिल्ला सदस्य हरि न्यौपाने, रक्तिम सांस्कृतिक अभियानकी उषा त्रामु, राजमो नेताहरू लालबहादुर काउचा, नरबहादुर केसी, धना कुँवर, लिल कुँवर, शङ्करप्रसाद पोख्रेल रहनुभएको थियो ।
सभाको अध्यक्षता झकबहादुर बिकले गर्नुभएको थियो भने सञ्चालन अखिल नेपाल जनजाति सम्मेलनका जिल्लाध्यक्ष गुमानसिंह पुनले गर्नुभएको थियो । स्वागत भाषण थम्मन कुँवरले गर्नुभएको थियो । कार्यक्रममा सहिदहरूप्रति एक मिनेट मौन धारणा गरिएको थियो ।
कार्यक्रमको बिच बिचमा रक्तिम सांस्कृतिक अभियानले गीत तथा नृत्य प्रस्तुत गरेका थिए ।
