खिमराज चालिसे, चंडिगढ ।
भारतको हरियाणा राज्यको हिसारमा कार्यरत एक नेपालीको हत्या भएको छ । गुल्मी जिल्लाको मुसिकोट नगरपालिका वार्ड नम्बर ३ खिल्ली बडागाउँ पेगा घर भइ हाल हिसारस्थित रेस्टोरेन्ट चिकन हन्टमा कार्यरत नेत्र कुँवरको छोरा रामबहादुर कुँवरको दिनांक ९ फरवरी रात्री निर्ममतापूर्वक हत्या गरिएको छ।
१० फरवरीको विहानै उक्त घटनाबारे थाहा पाउने वित्तिकै मूल प्रवाह अखिल भारत नेपाली एकता समाज, प्रवासी संघ र जनसम्पर्क समिति लगाएतका विभिन्न संघसस्थाहरुका कार्यकर्ताहरु घटनास्थल पुगी पुलीसप्रसाशनको सहभागितामा आवश्यक छानबिन गर्दा उनलाई सँगै काम गर्ने साथी राकेस भन्ने व्यक्तिले हत्या गरि भागेको आशंका गरिएको थियो ।
कतिपय प्रमाणहरुको आधारमा ११ फरवरीको पुलिस थानामा राकेश विरुद्ध हत्या आरोपमा एफआईआर रिपोर्ट दर्ज गरी शवको पोस्टमॉर्टम गराई छोरा विक्रम कुँवर आफन्तहरु, र संगठनका प्रतिनिधीहरुको उपस्थितिमा दाहसंस्कार समेत गरिएको छ ।
आरोपीलाइई तुरुन्त गिरप्तार गरी कडा भन्दा कडा कार्वाहीको माग पनि हिसार स्थित संघसस्थाहरुले पुलीस प्रसाशन संग गरेको मूल प्रवाह हिसार नगरसमितीका सचिव तारा सोमारेले बताउनु भएको छ ।
