गिरीप्रसाद बुढा/मुसीकोट ।।
राप्ती साहित्य परिषद् जिल्ला शाखा रुकुम पश्चिको आयोजनामा ७९औँ रुकुम साहित्यमाला यही माघ १६ गतेका दिन सहिद दिवसको अवसर पारी त्रिबेणी मावि सिम्रतुमा सम्पन्न भएको छ ।
राप्ती साहित्य परिषद् जिल्ला शाखाको अध्यक्ष मनलाल ओलीको अध्यक्षतामा सम्पन्न यस कार्यक्रममा प्रगतिशील लेखक सङ्घ कर्णाली प्रदेशका अध्यक्ष गिरीप्रसाद बुढा, वरिष्ठ साहित्यकार पूर्ण ओली, सिम्रतु क्याम्पसका क्याम्पस प्रमुख सूर्यविक्रम खडका, शिक्षक अविभावक सङ्घका अध्यक्ष तुलसिराम बुढाथोकी, साहित्यकार तथा समाजसेवी देवकुमारी ओली, साहित्यकार तथा समाजसेवी चन्द्रा ओली, डा. परिक्षित ओली, कला, साहित्य संस्कृति संरक्षण मञ्च त्रिवेणीका सदस्य गोपाल ओली, साहित्यकार एक्कबहादुर केसीलगायतको आतिथ्यता रहेको थियो ।
राष्ट्रियगान, सहिदको सम्झनामा एकमिनट मौनधारण तथा माल्यार्पणका साथमा अगाडि बढेको उक्त कार्यक्रममा त्रिमावि सिम्रतुका सहायक प्र.अ. रामलाल गौतमले व्यावस्थापकीय मन्तब्य व्यक्त गर्नुभएको थियो भने उक्त कार्यक्रममा प्रेमप्रकाश मल्लले स्वागत मन्तव्य तथा शाखाका सचिव ओमबहादुर खत्रीले धन्यवाद मन्तब्य व्यक्त गर्नुभएको थियो ।
चार दर्जन स्रष्टाद्वारा रचना वाचन गरिएको साहित्यमाला कार्यक्रमको सञ्चालन शाखाका पूर्व सदस्य टेकबहादुर पाण्डेले गर्नुभएको थियो ।
