तिलकप्रसाद सुवेदी/परासी ।।
अखिल नेपाल किसान महासङ्घ (अप्फा) नवलपरासीको जिल्ला भेला शुक्रवार जीतबहादुर पौडेलको अध्यक्षता तथा उत्तमराज खरेलको सञ्चालनमा र राजेन्द्र अर्यालको स्वागत मन्तव्यका साथ सम्पन्न भएको छ ।
भेलाले जीतबहादुर पौडेलको अध्यक्षतामा नौ सदस्यीय जिल्ला सङ्गठन समिति गठन गरेको छ । समितिको उपाध्यक्षमा उत्तमराज खरेल, सचिवमा डण्डपाणि गौतम, कोषाध्यक्षमा तारा गौतम र सदस्यहरूमा राजेन्द्र अर्याल, गणेश आचार्य र नरबहादुर रानालगायत रहनुभएको छ ।
कार्यक्रमका प्रमुख अतिथि अखिल नेपाल किसान महासङ्घका केन्द्रीय अध्यक्ष भैरवराज रेग्मीले मैनबत्ती बालेर कार्यक्रम उद्घाटन गर्दै भेला सफलताको शुभकामना साथै अहिले मुलुकमा र सिङ्गो विश्वमा किसानका समस्या बढ्दै गएको तर सरकारले समाधान गर्न नसकेको हुनाले किसान पीडित भइरहेकोमा चिन्ता व्यक्त गर्नुभयो । वर्तमान सरकारले कृषिमा विदेशी लगानी भित्राएर स्वदेशी किसानमारा काम गर्ने षड्यन्त्र गरेकाले त्यसको विरोध गर्नुपर्ने आवश्यकतामा उहाँले जोड दिनुभयो ।
भेलामा अन्य अतिथिहरू राजमो नेता कृष्णराज पौडेल, रक्तिम सांस्कृतिक अभियानका अध्यक्ष रेम राना, राष्ट्रिय जनमोर्चाका जिल्लाध्यक्ष किसनबहादुर अधिकारी, नेकपा (मसाल) का जिल्ला प्रवक्ता धनपति सापकोटा, राष्ट्रिय जनमोर्चाका जिल्ला सल्लाहकार तिलकप्रसाद सुवेदी, अखिल नेपाल जनजाति सम्मेलनका जिल्लाध्यक्ष शेरबहादुर सूर्यवंशी र अखिल नेपाल महिला सङ्घ जिल्ला अध्यक्ष सम्झना सुवेदीले शुभकामना दिनुभएको थियोे ।
नवनिर्वाचित पदाधिकारीलाई राष्ट्रिय जनमोर्चा जिल्ला सदस्य गिरिराज ज्ञवालीले बधाइ दिनुभएको थियो ।
